अद्वैतशारदा | दक्षिणाम्नाय श्रीशारदापीठम्, शृङ्गेरी

శ్రీభగవానువాచ —

సుదుర్దర్శమిదం రూపం
దృష్టవానసి యన్మమ ।
దేవా అప్యస్య రూపస్య
నిత్యం దర్శనకాఙ్క్షిణః ॥ ౫౨ ॥

సుదుర్దర్శం సుష్ఠు దుఃఖేన దర్శనమ్ అస్య ఇతి సుదుర్దర్శమ్ , ఇదం రూపం దృష్టవాన్ అసి యత్ మమ, దేవాదయః అపి అస్య మమ రూపస్య నిత్యం సర్వదా దర్శనకాఙ్క్షిణః ; దర్శనేప్సవోఽపి న త్వమివ దృష్టవన్తః, న ద్రక్ష్యన్తి చ ఇతి అభిప్రాయః ॥ ౫౨ ॥

శ్రీభగవానువాచ —

భగవానితి ; దేవాదయః ఇతి ;

ఉపాస్యత్వాయ విశ్వరూపం స్తోతుం భగవదుక్తిమ్ ఉత్థాపయతి-

భగవానితి ।

త్వద్ - వ్యతిరిక్తానామ్ ఇదం రూపం ద్రష్టుమ్ అశక్యమ్ ఇత్యేతత్ విశదయతి-

దేవాదయః ఇతి

॥ ౫౨ ॥