ಶ್ರೀಮದ್ಭಗವದ್ಗೀತಾಭಾಷ್ಯಮ್
ದ್ವಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಶ್ರೀಭಗವಾನುವಾಚ —
ಮಯ್ಯಾವೇಶ್ಯ ಮನೋ ಯೇ ಮಾಂ ನಿತ್ಯಯುಕ್ತಾ ಉಪಾಸತೇ ।
ಶ್ರದ್ಧಯಾ ಪರಯೋಪೇತಾಸ್ತೇ ಮೇ ಯುಕ್ತತಮಾ ಮತಾಃ ॥ ೨ ॥
ಮಯಿ ವಿಶ್ವರೂಪೇ ಪರಮೇಶ್ವರೇ ಆವೇಶ್ಯ ಸಮಾಧಾಯ ಮನಃ, ಯೇ ಭಕ್ತಾಃ ಸಂತಃ, ಮಾಂ ಸರ್ವಯೋಗೇಶ್ವರಾಣಾಮ್ ಅಧೀಶ್ವರಂ ಸರ್ವಜ್ಞಂ ವಿಮುಕ್ತರಾಗಾದಿಕ್ಲೇಶತಿಮಿರದೃಷ್ಟಿಮ್ , ನಿತ್ಯಯುಕ್ತಾಃ ಅತೀತಾನಂತರಾಧ್ಯಾಯಾಂತೋಕ್ತಶ್ಲೋಕಾರ್ಥನ್ಯಾಯೇನ ಸತತಯುಕ್ತಾಃ ಸಂತಃ ಉಪಾಸತೇ ಶ್ರದ್ಧಯಾ ಪರಯಾ ಪ್ರಕೃಷ್ಟಯಾ ಉಪೇತಾಃ, ತೇ ಮೇ ಮಮ ಮತಾಃ ಅಭಿಪ್ರೇತಾಃ ಯುಕ್ತತಮಾಃ ಇತಿ । ನೈರಂತರ್ಯೇಣ ಹಿ ತೇ ಮಚ್ಚಿತ್ತತಯಾ ಅಹೋರಾತ್ರಮ್ ಅತಿವಾಹಯಂತಿ । ಅತಃ ಯುಕ್ತಂ ತಾನ್ ಪ್ರತಿ ಯುಕ್ತತಮಾಃ ಇತಿ ವಕ್ತುಮ್ ॥ ೨ ॥
ಶ್ರೀಭಗವಾನುವಾಚ —
ಮಯ್ಯಾವೇಶ್ಯ ಮನೋ ಯೇ ಮಾಂ ನಿತ್ಯಯುಕ್ತಾ ಉಪಾಸತೇ ।
ಶ್ರದ್ಧಯಾ ಪರಯೋಪೇತಾಸ್ತೇ ಮೇ ಯುಕ್ತತಮಾ ಮತಾಃ ॥ ೨ ॥
ಮಯಿ ವಿಶ್ವರೂಪೇ ಪರಮೇಶ್ವರೇ ಆವೇಶ್ಯ ಸಮಾಧಾಯ ಮನಃ, ಯೇ ಭಕ್ತಾಃ ಸಂತಃ, ಮಾಂ ಸರ್ವಯೋಗೇಶ್ವರಾಣಾಮ್ ಅಧೀಶ್ವರಂ ಸರ್ವಜ್ಞಂ ವಿಮುಕ್ತರಾಗಾದಿಕ್ಲೇಶತಿಮಿರದೃಷ್ಟಿಮ್ , ನಿತ್ಯಯುಕ್ತಾಃ ಅತೀತಾನಂತರಾಧ್ಯಾಯಾಂತೋಕ್ತಶ್ಲೋಕಾರ್ಥನ್ಯಾಯೇನ ಸತತಯುಕ್ತಾಃ ಸಂತಃ ಉಪಾಸತೇ ಶ್ರದ್ಧಯಾ ಪರಯಾ ಪ್ರಕೃಷ್ಟಯಾ ಉಪೇತಾಃ, ತೇ ಮೇ ಮಮ ಮತಾಃ ಅಭಿಪ್ರೇತಾಃ ಯುಕ್ತತಮಾಃ ಇತಿ । ನೈರಂತರ್ಯೇಣ ಹಿ ತೇ ಮಚ್ಚಿತ್ತತಯಾ ಅಹೋರಾತ್ರಮ್ ಅತಿವಾಹಯಂತಿ । ಅತಃ ಯುಕ್ತಂ ತಾನ್ ಪ್ರತಿ ಯುಕ್ತತಮಾಃ ಇತಿ ವಕ್ತುಮ್ ॥ ೨ ॥

ವಿಮುಕ್ತಾ - ತ್ಯಕ್ತಾ ರಾಗಾದ್ಯಾಖ್ಯಾ ಕ್ಲೇಶನಿಮಿತ್ತಭೂತಾ ತಿಮಿರಶಬ್ದಿತಾನಾದ್ಯಜ್ಞಾನಕೃತಾ ದೃಷ್ಟಿಃ ಅವಿದ್ಯಾ ಮಿಥ್ಯಾಧೀಃ ಯಸ್ಯ, ತಮ್  , ಇತಿ ವಿಶಿನಷ್ಟಿ -

ವಿಮುಕ್ತೇತಿ ।

ನಿತ್ಯಯುಕ್ತತ್ವಂ ಮಾಧಯತಿ -

ಅತೀತೇತಿ ।

ತತ್ರ ಉಕ್ತೋ ಯೋಽರ್ಥಃ ‘ಮತ್ಕರ್ಮಕೃದಿ’ ತ್ಯಾದಿ, ತಸ್ಮಿನ್ ನಿಶ್ಚಯೇನ ಅಯನಮ್ - ಆಯಃ, ಗಮನಮ್ , ತಸ್ಯ ನಿಯಮೇನ ಅನುಷ್ಠಾನಮ್ , ತೇನ, ಇತ್ಯರ್ಥಃ । ಉಪಾಸತೇ - ಮಯಿ ಸ್ಮೃತಿಂ ಸದಾ ಕುರ್ವಂತಿ ಇತ್ಯರ್ಥಃ ।

ಉಕ್ತೋಪಾಸಕಾನಾಂ ಯುಕ್ತತಮತ್ವಂ ವ್ಯನಕ್ತಿ -

ನೈರಂತರ್ಯೇಣೇತಿ ।

ತದೇವ ಸ್ಫುಟಯತಿ -

ಅಹೋರಾತ್ರಮಿತಿ ।

ಅಹ್ನಿ ಚ - ರಾತ್ರೌ ಚ ಅತಿಮಾತ್ರಮ್ - ಅತಿಶಯೇನ ಮಾಮೇವ ವಿಷಯಾಂತರವಿಮುಕ್ತಾಃ ಚಿಂತಯಂತಿ, ಇತ್ಯರ್ಥಃ

॥ ೨ ॥