విముక్తా - త్యక్తా రాగాద్యాఖ్యా క్లేశనిమిత్తభూతా తిమిరశబ్దితానాద్యజ్ఞానకృతా దృష్టిః అవిద్యా మిథ్యాధీః యస్య, తమ్  , ఇతి విశినష్టి -

విముక్తేతి ।

నిత్యయుక్తత్వం మాధయతి -

అతీతేతి ।

తత్ర ఉక్తో యోఽర్థః ‘మత్కర్మకృది’ త్యాది, తస్మిన్ నిశ్చయేన అయనమ్ - ఆయః, గమనమ్ , తస్య నియమేన అనుష్ఠానమ్ , తేన, ఇత్యర్థః । ఉపాసతే - మయి స్మృతిం సదా కుర్వన్తి ఇత్యర్థః ।

ఉక్తోపాసకానాం యుక్తతమత్వం వ్యనక్తి -

నైరన్తర్యేణేతి ।

తదేవ స్ఫుటయతి -

అహోరాత్రమితి ।

అహ్ని చ - రాత్రౌ చ అతిమాత్రమ్ - అతిశయేన మామేవ విషయాన్తరవిముక్తాః చిన్తయన్తి, ఇత్యర్థః

॥ ౨ ॥