अद्वैतशारदा | दक्षिणाम्नाय श्रीशारदापीठम्, शृङ्गेरी

శ్రేయో హి జ్ఞానమభ్యాసాజ్జ్ఞానాద్ధ్యానం విశిష్యతే ।
ధ్యానాత్కర్మఫలత్యాగస్త్యాగాచ్ఛాన్తిరనన్తరమ్ ॥ ౧౨ ॥

శ్రేయః హి ప్రశస్యతరం జ్ఞానమ్ । కస్మాత్ ? వివేకపూర్వకాత్ అభ్యాసాత్ । తస్మాదపి జ్ఞానాత్ జ్ఞానపూర్వకం ధ్యానం విశిష్యతే । జ్ఞానవతో ధ్యానాత్ అపి కర్మఫలత్యాగః, ‘విశిష్యతే’ ఇతి అనుషజ్యతే । ఎవం కర్మఫలత్యాగాత్ పూర్వవిశేషణవతః శాన్తిః ఉపశమః సహేతుకస్య సంసారస్య అనన్తరమేవ స్యాత్ , న తు కాలాన్తరమ్ అపేక్షతే ॥

ఎవమితి ; న త్వితి ;

త్యాగస్య విశిష్టత్వే హేతుమ్ ఆహ -

ఎవమితి ।

ప్రీణాతు భగవాన్ , ఇతి తస్మిన్ కర్మసంన్యాసపూర్వకమ్ , ఇత్యర్థః । పూర్వవిశేషణవతః - నియతచిత్తస్య పుంసః యథోక్తత్యాగాత్ , ఇత్యర్థః ।

‘అనన్తరమేవ’ ఇత్యుక్తం వ్యనక్తి -

న త్వితి ।