अद्वैतशारदा | दक्षिणाम्नाय श्रीशारदापीठम्, शृङ्गेरी

అద్వేష్టా సర్వభూతానాం మైత్రః కరుణ ఎవ చ ।
నిర్మమో నిరహఙ్కారః సమదుఃఖసుఖః క్షమీ ॥ ౧౩ ॥

అద్వేష్టా సర్వభూతానాం న ద్వేష్టా, ఆత్మనః దుఃఖహేతుమపి న కిఞ్చిత్ ద్వేష్టి, సర్వాణి భూతాని ఆత్మత్వేన హి పశ్యతి । మైత్రః మిత్రభావః మైత్రీ మిత్రతయా వర్తతే ఇతి మైత్రః । కరుణః ఎవ చ, కరుణా కృపా దుఃఖితేషు దయా, తద్వాన్ కరుణః, సర్వభూతాభయప్రదః, సంన్యాసీ ఇత్యర్థః । నిర్మమః మమప్రత్యయవర్జితః । నిరహఙ్కారః నిర్గతాహంప్రత్యయః । సమదుఃఖసుఖః సమే దుఃఖసుఖే ద్వేషరాగయోః అప్రవర్తకే యస్య సః సమదుఃఖసుఖః । క్షమీ క్షమావాన్ , ఆక్రుష్టః అభిహతో వా అవిక్రియః ఎవ ఆస్తే ॥ ౧౩ ॥

ఆత్మనః ఇతి ; సర్వాణీతి ; నిర్గతేతి ;

సర్వేషాం భూతానాం మధ్యే యో దుఃఖహేతుః, తం విద్వానపి ద్వేష్ట్యేవ, ఇత్యాశఙ్క్య ఆహ –

ఆత్మనః ఇతి ।

తత్ర హేతుః -

సర్వాణీతి ।

‘సర్వభూతానామ్ ‘ ఇతి ఉభయతః సమ్బధ్యతే । మమ - ప్రత్యయర్జితః, దేహేఽపి ఇతి శేషః ।

వృత్తస్వాధ్యాయకృతాహఙ్కారాత్ నిష్క్రాన్తత్వమ్ ఆహ -

నిర్గతేతి

॥ ౧౩ ॥