సన్తుష్టః సతతం యోగీ యతాత్మా దృఢనిశ్చయః ।
మయ్యర్పితమనోబుద్ధిర్యో మద్భక్తః స మే ప్రియః ॥ ౧౪ ॥
సన్తుష్టః సతతం నిత్యం దేహస్థితికారణస్య లాభే అలాభే చ ఉత్పన్నాలంప్రత్యయః । తథా గుణవల్లాభే విపర్యయే చ సన్తుష్టః । సతతం యోగీ సమాహితచిత్తః । యతాత్మా సంయతస్వభావః । దృఢనిశ్చయః దృఢః స్థిరః నిశ్చయః అధ్యవసాయః యస్య ఆత్మతత్త్వవిషయే స దృఢనిశ్చయః । మయ్యర్పితమనోబుద్ధిః సఙ్కల్పవికల్పాత్మకం మనః, అధ్యవసాయలక్షణా బుద్ధిః, తే మయ్యేవ అర్పితే స్థాపితే యస్య సంన్యాసినః సః మయ్యర్పితమనోబుద్ధిః । యః ఈదృశః మద్భక్తః సః మే ప్రియః । ‘ప్రియో హి జ్ఞానినోఽత్యర్థమహం స చ మమ ప్రియః’ (భ. గీ. ౭ । ౧౭) ఇతి సప్తమే అధ్యాయే సూచితమ్ , తత్ ఇహ ప్రపఞ్చ్యతే ॥ ౧౪ ॥
సన్తుష్టః సతతం యోగీ యతాత్మా దృఢనిశ్చయః ।
మయ్యర్పితమనోబుద్ధిర్యో మద్భక్తః స మే ప్రియః ॥ ౧౪ ॥
సన్తుష్టః సతతం నిత్యం దేహస్థితికారణస్య లాభే అలాభే చ ఉత్పన్నాలంప్రత్యయః । తథా గుణవల్లాభే విపర్యయే చ సన్తుష్టః । సతతం యోగీ సమాహితచిత్తః । యతాత్మా సంయతస్వభావః । దృఢనిశ్చయః దృఢః స్థిరః నిశ్చయః అధ్యవసాయః యస్య ఆత్మతత్త్వవిషయే స దృఢనిశ్చయః । మయ్యర్పితమనోబుద్ధిః సఙ్కల్పవికల్పాత్మకం మనః, అధ్యవసాయలక్షణా బుద్ధిః, తే మయ్యేవ అర్పితే స్థాపితే యస్య సంన్యాసినః సః మయ్యర్పితమనోబుద్ధిః । యః ఈదృశః మద్భక్తః సః మే ప్రియః । ‘ప్రియో హి జ్ఞానినోఽత్యర్థమహం స చ మమ ప్రియః’ (భ. గీ. ౭ । ౧౭) ఇతి సప్తమే అధ్యాయే సూచితమ్ , తత్ ఇహ ప్రపఞ్చ్యతే ॥ ౧౪ ॥