अद्वैतशारदा | दक्षिणाम्नाय श्रीशारदापीठम्, शृङ्गेरी

యస్మాన్నోద్విజతే లోకో లోకాన్నోద్విజతే చ యః ।
హర్షామర్షభయోద్వేగైర్ముక్తో యః స చ మే ప్రియః ॥ ౧౫ ॥

యస్మాత్ సంన్యాసినః న ఉద్విజతే న ఉద్వేగం గచ్ఛతి న సన్తప్యతే న సఙ్క్షుభ్యతి లోకః, తథా లోకాత్ న ఉద్విజతే చ యః, హర్షామర్షభయోద్వేగైః హర్షశ్చ అమర్షశ్చ భయం చ ఉద్వేగశ్చ తైః హర్షామర్షభయోద్వేగైః ముక్తః ; హర్షః ప్రియలాభే అన్తఃకరణస్య ఉత్కర్షః రోమాఞ్చనాశ్రుపాతాదిలిఙ్గః, అమర్షః అసహిష్ణుతా, భయం త్రాసః, ఉద్వేగః ఉద్విగ్నతా, తైః ముక్తః యః స చ మే ప్రియః ॥ ౧౫ ॥

యస్మాదితి ; తథేతి ;

ఉద్వేగాదిరాహిత్యమపి జ్ఞానవతో విశేషణమ్ , ఇత్యాహ -

యస్మాదితి ।

న కేవలమ్ ఉద్వేగం ప్రతి అపాదానత్వమేవ సంన్యాసినోఽనుపపన్నమ్ , కిం తు తత్కర్తృత్వమపి, ఇత్యాహ -

తథేతి ।

అసహిష్ణుతా, పరకీయప్రకర్షస్య ఇతి శేషః । త్రాసః తస్కరాదిదర్శనాధీనః ఉద్ధిగ్నత్వమ్ అచేతనాత్ , చేతనాధీనస్య లోకాదితి గతత్వాత్ , ఇతి యావత్

॥ ౧౫ ॥