ಪ್ರವೃತ್ತೇಃ ಅಜ್ಞಾನಜತ್ವೇ ವಿಧಿನಿಷೇಧಾಧೀನ ವೃತ್ತಿನಿವೃತ್ತ್ಯಾತ್ಮಕ ಸಂಧಮ್ಯ ಅವಿದ್ಯಾಮಾತ್ರತ್ವಾತ್ ಅವಿದ್ವದ್ವಿಷಯತ್ವಂ ಶಾಸ್ತ್ರಸ್ಯ ಸಿದ್ಧಮ್ , ಇತಿ ಫಲಿತಮ್ ಆಹ -
ತಸ್ಮಾದಿತಿ ।
ದೃಷ್ಟಮೇವ ಅನುಮರನ್ ಅವಿದ್ವಾನ್ , ಯಥಾದೃಷ್ಟಃ ; ತದ್ವಿಷಯಃ - ತದಾಶ್ರಯಃ ಸಂಸಾರಃ, ತಥಾ ಚ ಪ್ರವೃತ್ತಿನಿವೃತ್ತ್ಯಾತ್ಮಕಸಂಸಾರಸ್ಯ ಅವಿದ್ವದ್ವಿಷಯತ್ವಾತ್ ತದ್ಧೇತುವಿಧಿಶಾಸ್ರಸ್ಯಾಪಿ ತದ್ವಿಷಯತ್ವಾಮ್ , ಇತ್ಯರ್ಥಃ ।
ನನು, ಅವಿದ್ಯಾ ಕ್ಷೇತ್ರಜ್ಞಂ ಆಶ್ರಯಂತೀ ಸ್ವಕಾರ್ಯಂ ಸಂಸಾರಮಪಿ ತಸ್ಮಿನ್ ಆಧತ್ತೇ, ತೇನ ತಸ್ಯೈವ ಶಾಸ್ರಾಧ್ರಿಕಾರಿತ್ವಮ್ ; ನೇತ್ಯಾಹ -
ನೇತಿ ।
ಅವಿದ್ಯಾದೇಃ ಶುದ್ಘೇ ಕ್ಷೇತ್ರಜ್ಞೇ ವಸ್ತುತಃ ಅಸಂಬಂಧೇಽಪಿ, ತಸ್ಮಿನ್ ಆರೋಪಿತಂ ತಮೇವ ದುಃಖೀಕರೋತಿ, ಇತಿ, ಅತ್ರಾಹ -
ನ ಚೇತಿ ।
ತದೇವ ದೃಷ್ಟಾಂತೇನ ಸ್ಪಷ್ಟಯತಿ -
ನ ಹೀತಿ ।
ಕ್ಷೇತ್ರಜ್ಞಸ್ಯ ವಸ್ತುತಃ ಅವಿದ್ಯಾಽಸಂಬಂಧೇ ಭಗವವೃಚೋಽಪಿ ದ್ಯೋತಕಮ್ , ಇತ್ಯಾಹ -
ಅತ ಇತಿ ।
ಕ್ಷೇತ್ರಜ್ಞೇಶ್ವರಯೋಃ ಐಕ್ಯೇ ಕಿಮಿತಿ ಅಸೌ ಆತ್ಮಾನಮ್ ಅಹಮಿತಿ ಬುಧ್ಯಮಾನೋಽಪಿ ಸ್ವಸ್ಯ ಈಶ್ವರತ್ವಮ್ ಈಶ್ವರೋಽಸ್ಮಿ ಇತಿ ನ ಬುಧ್ಯತೇ, ತತ್ರಾಹ -
ಅಜ್ಞಾನೇನೇತಿ ।