అవ్యక్తాహఙ్కారాదీనాం త్రైగుణ్యాభిమానాదిధర్మకత్వం ప్రసిద్ధమితి, శబ్దాదీనామేవ గ్రహణే కర్మేన్ద్రియాణాం విషయానుక్తేః వైరూప్యప్రసఙ్గాత్ , క్షేత్రనిరూపణస్య చ ప్రకృతత్వాత్ , స్వరూపనిర్దేశేనైవ తత్క్షేత్రం ‘యచ్చ యాదృక్చే’ తి వ్యాఖ్యాతమ్ । ఇదానీమ్ ఇచ్ఛాదీనామ్ ఆత్మవికారత్వనివృత్తయే క్షేత్రవికారత్వనిరూపణేన ‘యద్వికారి’ ఇత్యేతన్నిరూపయన్ మతాన్తరనివృత్తిపరత్వేన శ్లోకమవతారయతి -

అథేతి ।

సర్వజ్ఞోక్తివిరోధాత్ హేయం వైశేషికం మతమ్ ఇతి మత్వా ఉక్తమ్ -

భగవానితి ।