ಸರ್ವವಿಶೇಷರಹಿತಸ್ಯ ಅವಾಙ್ಮನಸಗೋಚರಸ್ಯ ಅದೃಷ್ಟೇಃ ದೃಷ್ಟೇಶ್ಚ ವಿಪರೀತಸ್ಯ, ಪ್ರಪ್ತೇ ಬಹ್ಮಣಃ ಶೂನ್ಯತ್ವೇ, ಪ್ರತ್ಯಕ್ತ್ವೇನ ಇಂದ್ರಿಯಪ್ರವೃತ್ತ್ಯಾದಿಹೇತುತ್ವೇನ ಕಲ್ಪಿತದ್ವೈತಸ್ಯತ್ತಾಸ್ಫೂರ್ತಿಪ್ರದತ್ವೇನ, ಈಶ್ವರತ್ವೇನ ಚ ಸತ್ತ್ವಂ ದರ್ಶಯನ್ ಆದೌ ದೇಹಾದೀನಾಂ ಪ್ರವೃತ್ತಿಮತಾಂ ಸ್ಥಾದಿವತ್ ಅಚೇತನಾನಾಂ ಪ್ರೇಕ್ಷಾಪೂರ್ವಕಪ್ರವೃತ್ತಿಮತ್ವಾತ್ ಚೇತನಾಧಿಷ್ಠಿತತ್ತ್ವಮ್ ಅನುಮಿಮಾನಃ, ತತ್ಪ್ರತ್ಯಕ್ಚೇತನಂ ಬ್ರಹ್ಮ, ಇತ್ಯಾಹ -
ಸಚ್ಛಬ್ದೇತಿ ।
ತದಸ್ತಿತ್ವಮಿತಿ ತಚ್ಛಬ್ದಃ ಜ್ಞೇಯಬ್ರಹ್ಮಾರ್ಥಃ । ತದಾಶಂಕೇತಿ । ತಚ್ಛಬ್ದೇನ ಅಸತ್ವಮುಚ್ಯತೇ ।
ನನು - ಸರ್ವದೇಹೇಷು ಪಾಣಿಪಾದಮ್ ಅಸ್ಯೇತಿ, ಕಥಂ ಪಾಣೀನಾಂ ಚ ಪಾದಾನಾಂ ಚ ದೇಹಸ್ಥತ್ವೇನ ಆತ್ಮಧರ್ಮತ್ವಮ್ ? ತತ್ರಾಹ -
ಸರ್ವೇತಿ ।
ಕರಣಪ್ರವೃತ್ತಿಃ ರಥಾದಿಪ್ರವೃತ್ತಿವತ್ ಪ್ರೇಕ್ಷಾಪೂರ್ವಕಪ್ರವೃತ್ತಿತ್ವಾತ್ ಚೇತನಾಧಿಷ್ಠಾತೃಪೂರ್ವಿಕಾ, ಇತ್ಯರ್ಥಃ ।