సర్వవిశేషరహితస్య అవాఙ్మనసగోచరస్య అదృష్టేః దృష్టేశ్చ విపరీతస్య, ప్రప్తే బహ్మణః శూన్యత్వే, ప్రత్యక్త్వేన ఇన్ద్రియప్రవృత్త్యాదిహేతుత్వేన కల్పితద్వైతస్యత్తాస్ఫూర్తిప్రదత్వేన, ఈశ్వరత్వేన చ సత్త్వం దర్శయన్ ఆదౌ దేహాదీనాం ప్రవృత్తిమతాం స్థాదివత్ అచేతనానాం ప్రేక్షాపూర్వకప్రవృత్తిమత్వాత్ చేతనాధిష్ఠితత్త్వమ్ అనుమిమానః, తత్ప్రత్యక్చేతనం బ్రహ్మ, ఇత్యాహ -
సచ్ఛబ్దేతి ।
తదస్తిత్వమితి తచ్ఛబ్దః జ్ఞేయబ్రహ్మార్థః । తదాశఙ్కేతి । తచ్ఛబ్దేన అసత్వముచ్యతే ।
నను - సర్వదేహేషు పాణిపాదమ్ అస్యేతి, కథం పాణీనాం చ పాదానాం చ దేహస్థత్వేన ఆత్మధర్మత్వమ్ ? తత్రాహ -
సర్వేతి ।
కరణప్రవృత్తిః రథాదిప్రవృత్తివత్ ప్రేక్షాపూర్వకప్రవృత్తిత్వాత్ చేతనాధిష్ఠాతృపూర్వికా, ఇత్యర్థః ।