‘స చ యో యత్స్వభావశ్చ’ ఇతి ఉద్దిష్టం వ్యాచష్టే -
ప్రకృతిమితి ।
ఈశ్వరస్య అపరా ప్రకృతిః అత్ర ప్రకృతిశబ్దేన ఉక్తా, పరా తు ప్రకృతిః జీవాఖ్యా పురుషశబ్దేన వివక్షితా, ఇతి వ్యాకరోతి -
ఈశ్వరస్యేతి ।
తయోరనాదిత్వం వ్యుత్పాదయతి -
నేత్యాదినా ।
తత్ర యుక్తిమాహ -
నిత్యత్వాదీశ్వరస్యేతి ।
ఈశ్వరస్య ఉక్తప్రకృతిద్వయవత్వం కథమ్ ? ఇత్యాశఙ్క్య, ఆహ -
ప్రకృతీతి ।
తస్య జగజ్జన్మాదౌ స్వాతన్త్ర్యమేవ ఈశ్వరత్వమ్ , న ప్రకృతిద్వయవత్వమ్ , ఇత్యాశఙ్క్య, ఆహ -
యాభ్యామితి ।
ప్రకృత్యోః అనాదిత్వం కుత్రోపయుక్తమ్ ? ఇత్యాశఙ్క్య, ఆహ -
తే ఇతి ।