‘ప్రకృతిమ్ ‘ఇత్యాది వక్ష్యమాణమ్ అనన్తరపూర్వగ్రన్థసమ్బన్ధి, ఇత్యాశఙ్క్య వ్యవహితేన సమ్బన్ధర్థం వ్యవహితమనువదతి -
తత్రేతి ।
తయోశ్చ ప్రకృత్యోః ఉక్తం భూతకారణత్వమ్ ఇత్యాహ -
ఎతదితి ।
భూతానామివ ప్రకృత్యోరపి ప్రకృత్యన్తరాపేక్షయా అనవస్థానాత్ , న భూతయోనితా, ఇతి శఙ్క్తే -
క్షేత్రేతి ।
తత్ర అకృతాభ్యాగమాదివారణాయ బన్ధస్య నిదానజ్ఞానార్థమ్ ఆత్మనో విక్రియావత్వాదిదోషనిరాసార్థం చ ప్రకృతిపురుషయోః అనాదిత్వం క్షేత్రత్వేనోక్తానాం ప్రకృతిం ప్రతి వికారభావం చ దర్శయతి -
అయమర్థ ఇతి ।