ఉత్తరగ్రన్థమవతారయితుం వ్యవహితమ్ వృత్తం కీర్తయతి -
నేత్యాదినా ।
అవిద్యా అనాద్యనిర్వాచ్యమజ్ఞానమ్ , మిథ్యాజ్ఞానం తత్సంస్కారశ్చ ఆదిశబ్దార్థః ।
వ్యవహితమనూద్య అవ్యవహితమనువదతి -
జన్మేతి ।
వ్యవధానావ్యవధానాభ్యాం సర్వానర్థమూలత్వాత్ అజ్ఞానస్య, తన్నివర్తకం సమ్యగ్జ్ఞానం వక్తవ్యమ్ , ఇత్యాహ -
అత ఇతి ।
తస్య అసకృదుక్తత్వాత్ ఉక్తార్థప్రవృత్తిః వృథా, ఇత్యాశఙ్క్య అతిసూక్ష్మార్థస్య శబ్దభేదేన పునః పునర్వచనమ్ అధికారిభేదానుగ్రహాయ, ఇతి మత్వా ఆహ -
ఉక్తమితి ।