తతః పదం తత్పరిమార్గితవ్యం
యస్మిన్గతా న నివర్తన్తి భూయః ।
తమేవ చాద్యం పురుషం ప్రపద్యే
యతః ప్రవృత్తిః ప్రసృతా పురాణీ ॥ ౪ ॥
తతః పశ్చాత్ యత్ పదం వైష్ణవం తత్ పరిమార్గితవ్యమ్ , పరిమార్గణమ్ అన్వేషణం జ్ఞాతవ్యమిత్యర్థః । యస్మిన్ పదే గతాః ప్రవిష్టాః న నివర్తన్తి న ఆవర్తన్తే భూయః పునః సంసారాయ । కథం పరిమార్గితవ్యమితి ఆహ — తమేవ చ యః పదశబ్దేన ఉక్తః ఆద్యమ్ ఆదౌ భవమ్ ఆద్యం పురుషం ప్రపద్యే ఇత్యేవం పరిమార్గితవ్యం తచ్ఛరణతయా ఇత్యర్థః । కః అసౌ పురుషః ఇతి, ఉచ్యతే — యతః యస్మాత్ పురుషాత్ సంసారమాయావృక్షప్రవృత్తిః ప్రసృతా నిఃసృతా, ఐన్ద్రజాలికాదివ మాయా, పురాణీ చిరన్తనీ ॥ ౪ ॥
తతః పదం తత్పరిమార్గితవ్యం
యస్మిన్గతా న నివర్తన్తి భూయః ।
తమేవ చాద్యం పురుషం ప్రపద్యే
యతః ప్రవృత్తిః ప్రసృతా పురాణీ ॥ ౪ ॥
తతః పశ్చాత్ యత్ పదం వైష్ణవం తత్ పరిమార్గితవ్యమ్ , పరిమార్గణమ్ అన్వేషణం జ్ఞాతవ్యమిత్యర్థః । యస్మిన్ పదే గతాః ప్రవిష్టాః న నివర్తన్తి న ఆవర్తన్తే భూయః పునః సంసారాయ । కథం పరిమార్గితవ్యమితి ఆహ — తమేవ చ యః పదశబ్దేన ఉక్తః ఆద్యమ్ ఆదౌ భవమ్ ఆద్యం పురుషం ప్రపద్యే ఇత్యేవం పరిమార్గితవ్యం తచ్ఛరణతయా ఇత్యర్థః । కః అసౌ పురుషః ఇతి, ఉచ్యతే — యతః యస్మాత్ పురుషాత్ సంసారమాయావృక్షప్రవృత్తిః ప్రసృతా నిఃసృతా, ఐన్ద్రజాలికాదివ మాయా, పురాణీ చిరన్తనీ ॥ ౪ ॥