अद्वैतशारदा | दक्षिणाम्नाय श्रीशारदापीठम्, शृङ्गेरी

తానహం ద్విషతః క్రూరాన్సంసారేషు నరాధమాన్ ।
క్షిపామ్యజస్రమశుభానాసురీష్వేవ యోనిషు ॥ ౧౯ ॥

తాన్ అహం సన్మార్గప్రతిపక్షభూతాన్ సాధుద్వేషిణః ద్విషతశ్చ మాం క్రూరాన్ సంసారేషు ఎవ అనేకనరకసంసరణమార్గేషు నరాధమాన్ అధర్మదోషవత్త్వాత్ క్షిపామి ప్రక్షిపామి అజస్రం సన్తతమ్ అశుభాన్ అశుభకర్మకారిణః ఆసురీష్వేవ క్రూరకర్మప్రాయాసు వ్యాఘ్రసింహాదియోనిషు ‘క్షిపామి’ ఇత్యనేన సమ్బన్ధః ॥ ౧౯ ॥

తానితి ; అధర్మేతి ;

తేషాం ఉక్తవిశేషణవతాం ఆసురాణాం కిం స్యాత్ ఇతి తత్ ఆహ -

తానితి ।

భగవతః నైర్ఘృణ్యప్రసఙ్గం ప్రత్యాదిశతి -

అధర్మేతి

॥ ౧౯ ॥