విరుద్ధార్థోక్త్యా స్తుతిరపి న యుక్తా ఇతి శఙ్కతే -
నన్వితి ।
విరోధం పరిహరతి -
న ఎషః దోష ఇతి ।
లౌకికదృష్టిమవష్టభ్య హత్వాపీతి నిర్దేశం విశదయతి -
దేహాదీతి ।
తాత్త్వికీం దృష్టి ఆస్థాయ న హన్తి ఇత్యాదినిర్దేశమ్ ఉపపాదయతి -
యథేతి ।
నాహం కర్తా, కిన్తు కర్తృతద్వ్యాపారయోః సాక్షీ క్రియాజ్ఞానశక్తిమదుపాధిద్వయవినిర్ముక్తః శుద్ధః సన్ కార్యకారణాసమ్బద్ధః అద్వితీయః అవిక్రియః ఇత్యేవం పారమార్థికదృష్టేః యథాదర్శితత్వం ద్రష్టవ్యమ్ ।
‘హత్వాపి’ ఇత్యేతత్ ‘న హన్తి’ ఇత్యాది చ ఉభయం దృష్టిద్వయావష్టమ్భాత్ ఉపపన్నమ్ ఇతి ఉపసంహరతి -
తదుభయమితి ।