అనుబన్ధం పశ్చాద్భావి యత్ వస్తు సః అనుబన్ధః ఉచ్యతే తం చ అనుబన్ధమ్ , క్షయం యస్మిన్ కర్మణి క్రియమాణే శక్తిక్షయః అర్థక్షయో వా స్యాత్ తం క్షయమ్ , హింసాం ప్రాణిబాధాం చ ; అనపేక్ష్య చ పౌరుషం పురుషకారమ్ ‘శక్నోమి ఇదం కర్మ సమాపయితుమ్’ ఇత్యేవమ్ ఆత్మసామర్థ్యమ్ , ఇత్యేతాని అనుబన్ధాదీని అనపేక్ష్య పౌరుషాన్తాని మోహాత్ అవివేకతః ఆరభ్యతే కర్మ యత్ , తత్ తామసం తమోనిర్వృత్తమ్ ఉచ్యతే ॥ ౨౫ ॥