ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯಯಾ ಸ್ವಪ್ನಂ ಭಯಂ ಶೋಕಂ
ವಿಷಾದಂ ಮದಮೇವ ಚ ।
ನ ವಿಮುಂಚತಿ ದುರ್ಮೇಧಾ
ಧೃತಿಃ ಸಾ ತಾಮಸೀ ಮತಾ ॥ ೩೫ ॥
ಯಯಾ ಸ್ವಪ್ನಂ ನಿದ್ರಾಂ ಭಯಂ ತ್ರಾಸಂ ಶೋಕಂ ವಿಷಾದಂ ವಿಷಣ್ಣತಾಂ ಮದಂ ವಿಷಯಸೇವಾಮ್ ಆತ್ಮನಃ ಬಹುಮನ್ಯಮಾನಃ ಮತ್ತ ಇವ ಮದಮ್ ಏವ ಚ ಮನಸಿ ನಿತ್ಯಮೇವ ಕರ್ತವ್ಯರೂಪತಯಾ ಕುರ್ವನ್ ನ ವಿಮುಂಚತಿ ಧಾರಯತ್ಯೇವ ದುರ್ಮೇಧಾಃ ಕುತ್ಸಿತಮೇಧಾಃ ಪುರುಷಃ ಯಃ, ತಸ್ಯ ಧೃತಿಃ ಯಾ, ಸಾ ತಾಮಸೀ ಮತಾ ॥ ೩೫ ॥
ಯಯಾ ಸ್ವಪ್ನಂ ಭಯಂ ಶೋಕಂ
ವಿಷಾದಂ ಮದಮೇವ ಚ ।
ನ ವಿಮುಂಚತಿ ದುರ್ಮೇಧಾ
ಧೃತಿಃ ಸಾ ತಾಮಸೀ ಮತಾ ॥ ೩೫ ॥
ಯಯಾ ಸ್ವಪ್ನಂ ನಿದ್ರಾಂ ಭಯಂ ತ್ರಾಸಂ ಶೋಕಂ ವಿಷಾದಂ ವಿಷಣ್ಣತಾಂ ಮದಂ ವಿಷಯಸೇವಾಮ್ ಆತ್ಮನಃ ಬಹುಮನ್ಯಮಾನಃ ಮತ್ತ ಇವ ಮದಮ್ ಏವ ಚ ಮನಸಿ ನಿತ್ಯಮೇವ ಕರ್ತವ್ಯರೂಪತಯಾ ಕುರ್ವನ್ ನ ವಿಮುಂಚತಿ ಧಾರಯತ್ಯೇವ ದುರ್ಮೇಧಾಃ ಕುತ್ಸಿತಮೇಧಾಃ ಪುರುಷಃ ಯಃ, ತಸ್ಯ ಧೃತಿಃ ಯಾ, ಸಾ ತಾಮಸೀ ಮತಾ ॥ ೩೫ ॥

ತಮಾಸೀಂ ಧೃತಿಂ ವ್ಯಾಚಷ್ಟೇ -

ಯಯೇತಿ ।

ಶೋಕಂ - ಪ್ರಿಯವಿಯೋಗನಿಮಿತ್ತಂ ಸಂತಾಪಮ್ । ವಿಷಣ್ಣತಾಂ - ಇಂದ್ರಿಯಾಣಾಂ ಗ್ಲಾನಿಮ್ । ವಿಷಯಸೇವಾ ಕುಮಾರ್ಗಪ್ರವೃತ್ತೇಃ ಉಪಲಕ್ಷಣಮ್ ಉಕ್ತಮ್ । ಸ್ವಪ್ನಾದಿ ಮದಾಂತಂ ಸರ್ವಮೇವ ಕರ್ತವ್ಯತಯಾ ಆತ್ಮನಃ ಬಹು ಮನ್ಯಮಾನಃ - ಮನಸಿ ನಿತ್ಯಮೇವ ಕುರ್ವನ್ ದುರ್ಮೇಧಾಃ ನ ವಿಮುಂಚತಿ, ಕಿಂತು ಧಾರಯತ್ಯೇವ ಇತಿ ಯೋಜನಾ

॥ ೩೫ ॥