‘అన్తఃకరణోపశమః - శమః', దమః - బాహ్యకరణోపరతిః ఇత్యక్తం స్మారయతి-

యథేతి ।

త్రివిధం తపః సప్తదశే దర్శితమ్ ఇత్యాహ - తప ఇతి ।

శౌచమపి బాహ్యాన్తరభేదేన ప్రాగేవ ఉక్తమ్ ఇత్యాహ -

శౌచమితి ।

క్షమా నామ ఆక్రుష్టస్య తాడితస్య వా మనసి వికారరాహిత్యమ్ । జ్ఞానం - శాస్త్రీయపదార్థజ్ఞానమ్ । విజ్ఞానం శాస్త్రార్థస్య స్వానుభవాయత్తత్వాపాదనమ్ ।

త్రిధా వ్యాఖ్యాతం స్వభావశబ్దార్థమ్ ఉపేత్య ఆహ -

యదుక్తమితి

॥ ౪౨ ॥