ಇತಶ್ಚ ಅಸತ್ಕಾರ್ಯವಾದಃ ನ ಯುಕ್ತಿಮಾನ್ ಇತ್ಯಾಹ -
ಕಿಂಚೇತಿ ।
ತದೇವ ಹೇತ್ವಂತರಂ ಸ್ಫೋರಯಿತುಂ ಪರಮತಮ್ ಅನುವದತಿ -
ಉತ್ಪದ್ಯತ ಇತೀತಿ ।
ಪರಕೀಯಂ ವಚನಮೇವ ವ್ಯಾಚಷ್ಟೇ -
ಪ್ರಾಗಿತಿ ।
ಸಂಬದ್ಧಂ ಸತ್ ಇತಿ ಅನೇನ ಕಾರಣಸಂಬಂಧೇ ಸತಿ ಕಾರ್ಯಸ್ಯ ಸತ್ತಾಸಂಬಂಧಃ ಭವತಿ ಇತಿ ಉಕ್ತಮ್ ।
ತದೇವ ಸ್ಫುಟಯತಿ -
ಕಾರಣೇತಿ ।
ಪರಮತಮೇವ ಅನುಭಾಷ್ಯ ದೂಷಯತಿ -
ತತ್ರೇತಿ ।
ಕಾರ್ಯಸ್ಯ ಅಸತೋಽಪಿ ಕಾರಣಂ ಸಂಭವತಿ ।
ತಸ್ಯ ಚ ಕಾರ್ಯೇಣ ಸಂಬಂಧಃ ಸಿದ್ಧ್ಯತಿ ಇತಿ ಆಶಂಕ್ಯ ಆಹ -
ನ ಹೀತಿ ।
ಅಸತ್ತ್ವಾದೇವ ಅಸತಃ ಸಂಬಂಧಾಭಾವೇ ಕರಣಸ್ಯ ಸತೋಽಪಿ ನ ತೇನ ಸಂಬಂಧಃ ಅನುಮಾತುಂ ಶಕ್ಯತೇ ; ಸದಸತೋಃ ಸಂಬಂಧಾಭಾವಾತ್ ಇತ್ಯರ್ಥಃ ।