ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಶಿಷ್ಯಸ್ಯ ಶಾಸ್ತ್ರಾರ್ಥಗ್ರಹಣಾಗ್ರಹಣವಿವೇಕಬುಭುತ್ಸಯಾ ಪೃಚ್ಛತಿ । ತದಗ್ರಹಣೇ ಜ್ಞಾತೇ ಪುನಃ ಗ್ರಾಹಯಿಷ್ಯಾಮಿ ಉಪಾಯಾಂತರೇಣಾಪಿ ಇತಿ ಪ್ರಷ್ಟುಃ ಅಭಿಪ್ರಾಯಃ । ಯತ್ನಾಂತರಂ ಚ ಆಸ್ಥಾಯ ಶಿಷ್ಯಸ್ಯ ಕೃತಾರ್ಥತಾ ಕರ್ತವ್ಯಾ ಇತಿ ಆಚಾರ್ಯಧರ್ಮಃ ಪ್ರದರ್ಶಿತೋ ಭವತಿ —
ಶಿಷ್ಯಸ್ಯ ಶಾಸ್ತ್ರಾರ್ಥಗ್ರಹಣಾಗ್ರಹಣವಿವೇಕಬುಭುತ್ಸಯಾ ಪೃಚ್ಛತಿ । ತದಗ್ರಹಣೇ ಜ್ಞಾತೇ ಪುನಃ ಗ್ರಾಹಯಿಷ್ಯಾಮಿ ಉಪಾಯಾಂತರೇಣಾಪಿ ಇತಿ ಪ್ರಷ್ಟುಃ ಅಭಿಪ್ರಾಯಃ । ಯತ್ನಾಂತರಂ ಚ ಆಸ್ಥಾಯ ಶಿಷ್ಯಸ್ಯ ಕೃತಾರ್ಥತಾ ಕರ್ತವ್ಯಾ ಇತಿ ಆಚಾರ್ಯಧರ್ಮಃ ಪ್ರದರ್ಶಿತೋ ಭವತಿ —

ಆಚಾರ್ಯೇಣ ಶಿಷ್ಯಾಯ, ಯಾವತ್ ಅಜ್ಞಾನಸಂಶಯವಿಪರ್ಯಾಸಃ, ತಾವತ್ ಅನೇಕಧಾ ಉಪದೇಷ್ಟವ್ಯಮ್ ಇತಿ ದರ್ಶಯಿತುಂ ಭಗವನ್ ಅರ್ಜುನಂ ಪೃಷ್ಟವಾನ್ ಇತ್ಯಾಹ-

ಶಿಷ್ಯಸ್ಯೇತಿ ।

ಪ್ರಷ್ಟುಃ ಅಭಿಪ್ರಾಯಂ ಪ್ರಕಟಯತಿ -

ತದಗ್ರಹಣ ಇತಿ ।

ಶಿಷ್ಯಶ್ಚೇತ್ ಉಕ್ತಂ ಗೃಹೀತುಂ ನ ಈಷ್ಟೇ, ತರ್ಹಿ ತಂ ಪ್ರತಿ ಔದಾಸೀನ್ಯಮ್ ಆಚಾರ್ಯಸ್ಯ ಉಚಿತಮ್ , ತಸ್ಯ ಮಂದಬುದ್ಧಿತ್ವಾತ್ , ಇತಿ ಆಶಂಕ್ಯ, ಆಹ -

ಯತ್ನಾಂತರಮಿತಿ ।

ಕಚ್ಚಿದಿತಿ ಕೋಮಲಪ್ರಶ್ನೇ ।