ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಕಚ್ಚಿದೇತಚ್ಛ್ರುತಂ ಪಾರ್ಥ
ತ್ವಯೈಕಾಗ್ರೇಣ ಚೇತಸಾ ।
ಕಚ್ಚಿದಜ್ಞಾನಸಂಮೋಹಃ
ಪ್ರಣಷ್ಟಸ್ತೇ ಧನಂಜಯ ॥ ೭೨ ॥
ಕಚ್ಚಿತ್ ಕಿಮ್ ಏತತ್ ಮಯಾ ಉಕ್ತಂ ಶ್ರುತಂ ಶ್ರವಣೇನ ಅವಧಾರಿತಂ ಪಾರ್ಥ, ತ್ವಯಾ ಏಕಾಗ್ರೇಣ ಚೇತಸಾ ಚಿತ್ತೇನ ? ಕಿಂ ವಾ ಅಪ್ರಮಾದತಃ ? ಕಚ್ಚಿತ್ ಅಜ್ಞಾನಸಂಮೋಹಃ ಅಜ್ಞಾನನಿಮಿತ್ತಃ ಸಂಮೋಹಃ ಅವಿವಿಕ್ತಭಾವಃ ಅವಿವೇಕಃ ಸ್ವಾಭಾವಿಕಃ ಕಿಂ ಪ್ರಣಷ್ಟಃ ? ಯದರ್ಥಃ ಅಯಂ ಶಾಸ್ತ್ರಶ್ರವಣಾಯಾಸಃ ತವ, ಮಮ ಚ ಉಪದೇಷ್ಟೃತ್ವಾಯಾಸಃ ಪ್ರವೃತ್ತಃ, ತೇ ತುಭ್ಯಂ ಹೇ ಧನಂಜಯ ॥ ೭೨ ॥
ಕಚ್ಚಿದೇತಚ್ಛ್ರುತಂ ಪಾರ್ಥ
ತ್ವಯೈಕಾಗ್ರೇಣ ಚೇತಸಾ ।
ಕಚ್ಚಿದಜ್ಞಾನಸಂಮೋಹಃ
ಪ್ರಣಷ್ಟಸ್ತೇ ಧನಂಜಯ ॥ ೭೨ ॥
ಕಚ್ಚಿತ್ ಕಿಮ್ ಏತತ್ ಮಯಾ ಉಕ್ತಂ ಶ್ರುತಂ ಶ್ರವಣೇನ ಅವಧಾರಿತಂ ಪಾರ್ಥ, ತ್ವಯಾ ಏಕಾಗ್ರೇಣ ಚೇತಸಾ ಚಿತ್ತೇನ ? ಕಿಂ ವಾ ಅಪ್ರಮಾದತಃ ? ಕಚ್ಚಿತ್ ಅಜ್ಞಾನಸಂಮೋಹಃ ಅಜ್ಞಾನನಿಮಿತ್ತಃ ಸಂಮೋಹಃ ಅವಿವಿಕ್ತಭಾವಃ ಅವಿವೇಕಃ ಸ್ವಾಭಾವಿಕಃ ಕಿಂ ಪ್ರಣಷ್ಟಃ ? ಯದರ್ಥಃ ಅಯಂ ಶಾಸ್ತ್ರಶ್ರವಣಾಯಾಸಃ ತವ, ಮಮ ಚ ಉಪದೇಷ್ಟೃತ್ವಾಯಾಸಃ ಪ್ರವೃತ್ತಃ, ತೇ ತುಭ್ಯಂ ಹೇ ಧನಂಜಯ ॥ ೭೨ ॥

ತಮೇವ ವ್ಯಾಚಷ್ಟೇ -

ಕಿಮ್ ಏತದಿತಿ ।

ದ್ವಿತೀಯಂ ಕಿಂಪದಂ ಪೂರ್ವಸ್ಯ ವ್ಯಾಖ್ಯಾನತಯಾ ಸಂಬಧ್ಯತೇ ।

ಕಚ್ಚಿತ್ ಇತಿ ದ್ವಿತೀಯಂ ಪ್ರಶ್ನಂ ವಿಭಜತೇ -

ಕಿಂ ಪ್ರಣಷ್ಟ ಇತಿ ।

ಮೋಹಪ್ರಣಾಶಸ್ಯ ಪ್ರಸಂಗಂ ದರ್ಶಯತಿ -

ಯದರ್ಥ ಇತಿ

॥ ೭೨ ॥