ಏವಂ ಪೂರ್ವಾಪರವಿರೋಧಂ ಪರಾಕೃತ್ಯ ಅನಂತರಶ್ಲೋಕತಾತ್ಪರ್ಯಮ್ ಆಹ -

ಯಸ್ತ್ವಿತಿ ।

ಫಲರಾಗಾದಿನಾ ಇತಿ ಆದಿಶಬ್ದೇನ ಕರ್ಮಸ್ವರೂಪಾಸಂಗಃ ಗೃಹ್ಯತೇ ।

ಅಂತಃಕರಣಂ ಅಕಲುಷೀಕ್ರಿಯಮಾಣಮ್ ಇತಿ ಛೇದಃ । ವಿಶುದ್ಧೇ ಅಂತಃಕರಣೇ ಕಿಂ ಸ್ಯಾತ್ ಇತಿ ಆಶಂಕ್ಯ ಆಹ-

ವಿಶುದ್ಧಮಿತಿ ।

ಮಲವಿಕಲತ್ವಂ ವಿಶುದ್ಧತ್ವಂ, ಸಂಸ್ಕ್ರಿಯಮಾಣತ್ವಂ - ಪ್ರಸನ್ನತ್ವಮ್ ಇತಿ ಭೇದಃ । ಕ್ರಮೇಣ - ಶ್ರವಣಾದ್ಯಾವೃತ್ತಿದ್ವಾರೇಣ ಇತ್ಯರ್ಥಃ । ತನ್ನಿಷ್ಠಾ ಇತಿ ಆತ್ಮಜ್ಞಾನನಿಷ್ಠಾ ಉಕ್ತಾ ।