ఎవం పూర్వాపరవిరోధం పరాకృత్య అనన్తరశ్లోకతాత్పర్యమ్ ఆహ -

యస్త్వితి ।

ఫలరాగాదినా ఇతి ఆదిశబ్దేన కర్మస్వరూపాసఙ్గః గృహ్యతే ।

అన్తఃకరణం అకలుషీక్రియమాణమ్ ఇతి ఛేదః । విశుద్ధే అన్తఃకరణే కిం స్యాత్ ఇతి ఆశఙ్క్య ఆహ-

విశుద్ధమితి ।

మలవికలత్వం విశుద్ధత్వం, సంస్క్రియమాణత్వం - ప్రసన్నత్వమ్ ఇతి భేదః । క్రమేణ - శ్రవణాద్యావృత్తిద్వారేణ ఇత్యర్థః । తన్నిష్ఠా ఇతి ఆత్మజ్ఞాననిష్ఠా ఉక్తా ।