స ఎవముక్తః పితా ఆత్మనః సత్యతాయై ప్రేషయామాస । స చ యమభవనం గత్వా తిస్రో రాత్రీరువాస యమే ప్రోషితే । ప్రోష్యాగతం యమమ్ అమాత్యా భార్యా వా ఊచుర్బోధయన్తః — వైశ్వానరః అగ్నిరేవ సాక్షాత్ ప్రవిశతి అతిథిః సన్ బ్రాహ్మణః గృహాన్ దహన్నివ । తస్య దాహం శమయన్త ఇవాగ్నేః ఎతాం పాద్యాసనాదిదానలక్షణాం శాన్తిం కుర్వన్తి సన్తోఽతిథేర్యతః, అతః హర ఆహర హే వైవస్వత, ఉదకం నచికేతసే పాద్యార్థమ్ ॥