ಸೃಷ್ಟಿಚಿಂತಕಾನಾಮೇವ ಸೃಷ್ಟಿವಿಷಯೇ ವಿಕಲ್ಪಾಂತರಮುತ್ಥಾಪಯತಿ –

ಇಚ್ಛಾಮಾತ್ರಮಿತಿ ।

ಜ್ಯೋತಿರ್ವಿದಾಂ ಕಲ್ಪನಾಪ್ರಕಾರಮಾಹ –

ಕಾಲಾದಿತಿ ।

ಪರಮೇಶ್ವರಸ್ಯೇಚ್ಛಾಮಾತ್ರಂ ಸೃಷ್ಟಿರಿತ್ಯತ್ರ ಹೇತುಮಾಹ –

ಸತ್ಯೇತಿ ।

ಯಥಾ ಲೋಕೇ ಕುಲಾಲಾದೇಃ ಸಂಕಲ್ಪನಾಮಾತ್ರಂ ಘಟಾದಿಕಾರ್ಯಂ, ನ ತದತಿರೇಕೇಣ ಘಟಾದಿಕಾರ್ಯಸೃಷ್ಟಿರಿಷ್ಟಾ । ನಾಮರೂಪಾಭ್ಯಾಮಂತರೇವ ಕಾರ್ಯಂ ಸಂಕಲ್ಪ್ಯ ಬಹಿಸ್ತನ್ನಿರ್ಮಾಣಾಭ್ಯುಪಗಮಾತ್ । ತಥಾ ಭಗವತಃ ಸೃಷ್ಟಿಃ ಸಂಕಲ್ಪನಾಮಾತ್ರಾ, ನ ತದತಿರಿಕ್ತಾ ಕಾಚಿದಸ್ತೀತಿ ಕೇಷಾಂಚಿದೀಶ್ವರವಾದಿನಾಂ ಮತಮಿತ್ಯರ್ಥಃ ॥೮॥