విశ్వాదిష్వవాన్తరవిశేషనిరూపణద్వారేణ తురీయమేవ నిర్ధారయతి –

కార్యేతి ।

శ్లోకస్య తాత్పర్యమాహ –

విశ్వాదీనామితి ।

విశ్వతైజసయోరుభయబద్ధత్వం సామాన్యం, ప్రాజ్ఞస్య కారణమాత్రబద్ధత్వం విశేషః ।

అథేదం నిరూపణం కుత్రోపయుజ్యతే ? తత్రాఽఽహ –

తుర్యేతి ।

ప్రాజ్ఞస్య కారణమాత్రబద్ధత్వం సాధయతి –

తత్త్వాప్రతిబోధేతి ।

త్రయాణామవాన్తరవిశేషే స్థితే ప్రకృతేతురీయే కిమాయాతమిత్యాశఙ్క్యాఽఽహ –

తత ఇతి ।

తయోస్తస్మిన్నవిద్యమానత్వం చిదేకతానే తయోర్నిరూపయితుమశక్యత్వాదిత్యాహ –

న సమ్భవత ఇతి ॥౧౧॥