యథా పూర్వమాచార్యేణ శ్రుత్యర్థప్రకాశకాః శ్లోకాః ప్రణీతాస్తథోత్తరేఽపి శ్లోకాః శ్రుత్యుక్తేఽర్థ ఎవ సమ్భవన్తీత్యాహ –
పూర్వవదితి ।
ఓఙ్కారస్య పాదశో విద్యా కీదృశీత్యాశఙ్క్యాఽఽహ –
పాదా ఇతి ।
పాదానాం మాత్రాణాం చాన్యోన్యమేకత్వం కృత్వా తద్విభాగవిధురమోఙ్కారం బ్రహ్మబుద్ధ్యా ధ్యాయతో భవతి కృతార్థేతేతి దర్శయతి –
ఓఙ్కారమితి ।
తస్మాత్ పాదానాం మాత్రాణాం చాన్యోన్యమేకత్వాదిత్యర్థః ।
తదేకత్వం పురస్కృత్యోఙ్కారముభయవిభాగశూన్యం బ్రహ్మబుద్ధ్యా జానీయాదిత్యాహ –
ఓఙ్కారమితి ।
ఉత్తరార్ధస్య తాత్పర్యమాహ –
ఎవమితి ॥౨౪॥