తాన్ ఎవముపగతాన్ సః హ కిల ఋషిః ఉవాచ భూయః పునరేవ — యద్యపి యూయం పూర్వం తపస్విన ఎవ, తథాపీహ తపసా ఇన్ద్రియసంయమేన విశేషతో బ్రహ్మచర్యేణ శ్రద్ధయా చ ఆస్తిక్యబుద్ధ్యా ఆదరవన్తః సంవత్సరం కాలం సంవత్స్యథ సమ్యగ్గురుశుశ్రూషాపరాః సన్తో వత్స్యథ । తతః యథాకామం యో యస్య కామస్తమనతిక్రమ్య యద్విషయే యస్య జిజ్ఞాసా తద్విషయాన్ ప్రశ్నాన్ పృచ్ఛత । యది తద్యుష్మత్పృష్టం విజ్ఞాస్యామః । అనుద్ధతత్వప్రదర్శనార్థో యది - శబ్దో నాజ్ఞానసంశయార్థః ప్రశ్ననిర్ణయాదవసీయతే సర్వం హ వో వః పృష్టార్థం వక్ష్యామ ఇతి ॥