ப்ரஶ்நோபநிஷத்³பா⁴ஷ்யம்
ப்ரத²ம: ப்ரஶ்ந:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ப்ரஶ்ந)
 
ஆதி³த்யோ ஹ வை ப்ராணோ ரயிரேவ சந்த்³ரமா ரயிர்வா ஏதத்ஸர்வம் யந்மூர்தம் சாமூர்தம் ச தஸ்மாந்மூர்திரேவ ரயி: ॥ 5 ॥
தத்ர ஆதி³த்ய: ஹ வை ப்ராண: அத்தா அக்³நி: । ரயிரேவ சந்த்³ரமா: । ரயிரேவாந்நம் ஸோம ஏவ । ததே³ததே³கமத்தா அக்³நிஶ்சாந்நம் ச ப்ரஜாபதிரேகம் து மிது²நம் ; கு³ணப்ரதா⁴நக்ருதோ பே⁴த³: । கத²ம் ? ரயிர்வை அந்நமேவ ஏதத் ஸர்வம் । கிம் தத் ? யத் மூர்தம் ச ஸ்தூ²லம் ச அமூர்தம் ச ஸூக்ஷ்மம் ச । மூர்தாமூர்தே அத்த்ரந்நரூபே அபி ரயிரேவ । தஸ்மாத் ப்ரவிப⁴க்தாத³மூர்தாத் யத³ந்யந்மூர்தரூபம் மூர்தி:, ஸைவ ரயி: அந்நம் அமூர்தேந அத்த்ரா அத்³யமாநத்வாத் ॥

ரயிப்ராணௌ ஶ்ருதி: ஸ்வயமேவ வ்யாசஷ்ட இத்யாஹ –

தத்ரா(அ)(அ)தி³த்ய இதி ।

ப்ரஜாபதேரேவ ஸம்வத்ஸராதி³ப்ரஜாபர்யந்தஸ்ரஷ்ட்ருத்வம் வக்தும் ரயிப்ராணயோ: ஸம்வத்ஸரஸ்ரஷ்ட்ரோ: ப்ரஜாபத்யுபாதா³நத்வாத்ப்ரஜாபத்யாத்மத்வமாஹ –

ததே³ததே³கமிதி ।

கத²மேகஸ்யாத்தா(அ)ந்நம் சேதி பே⁴த³ இத்யாஶங்க்ய தஸ்யைவ கு³ணபா⁴வவிவக்ஷயா(அ)(அ)ந்நத்வம் ப்ராதா⁴ந்யவிவக்ஷயா சாத்த்ருத்வமிதி பே⁴த³ இத்யாஹ –

கு³ணேதி ।

ரயிப்ராணயோ: கத²ம் ப்ரஜாபத்யாத்மத்வமிதி ஶங்கதே ।

கத²மிதி ।

தத்ர ரயே: ஸர்வாத்மகத்வாத்ப்ரஜாபதித்வமித்யாஹ –

ரயிரிதி ।

அமூர்தஸ்யாபி வாய்வாதே³: கேநசித³த்³யமாநத்வாத்³ரயித்வமித்யர்த²: । நநு மூர்தாமூர்தயோரத்ரந்நயோருப⁴யோரபி ரயித்வே(அ)ந்நமேவ ரயிரிதி கத²முக்தமித்யாஶங்க்ய மூர்தாமூர்தத்வவிபா⁴க³மக்ருத்வா ஸர்வஸ்ய கு³ணபா⁴வமாத்ரவிவக்ஷயா ஸர்வம் ரயிரித்யுச்யதே ।

யதோ³பே⁴ விப⁴ஜ்ய கு³ணப்ரதா⁴நபா⁴வேந விவக்ஷ்யேதே ததா³(அ)மூர்தேந ப்ராணேந மூர்தஸ்யாத்³யமாநத்வாந்மூர்தஸ்யைவ ரயித்வமித்யாஹ –

தஸ்மாதி³தி ॥ 5 ॥