ததா² அமூர்தோ(அ)பி ப்ராணோ(அ)த்தா ஸர்வமேவ யச்சாத்³யம் । கத²ம் ? அத² ஆதி³த்ய: உத³யந் உத்³க³ச்ச²ந் ப்ராணிநாம் சக்ஷுர்கோ³சரமாக³ச்ச²ந் யத்ப்ராசீம் தி³ஶம் ஸ்வப்ரகாஶேந ப்ரவிஶதி வ்யாப்நோதி, தேந ஸ்வாத்மவ்யாப்த்யா ஸர்வாந்த:ஸ்தா²ந் ப்ராணாந் ப்ராச்யாநந்நபூ⁴தாந் ரஶ்மிஷு ஸ்வாத்மாவபா⁴ஸரூபேஷு வ்யாப்திமத்ஸு வ்யாப்தத்வாத்ப்ராணிந: ஸம்நித⁴த்தே ஸம்நிவேஶயதி ஆத்மபூ⁴தாந்கரோதீத்யர்த²: । ததை²வ யத்ப்ரவிஶதி த³க்ஷிணாம் யத்ப்ரதீசீம் யது³தீ³சீம் அத⁴: ஊர்த்⁴வம் யத்ப்ரவிஶதி யச்ச அந்தரா தி³ஶ: கோணதி³ஶோ(அ)வாந்தரதி³ஶ: யச்சாந்யத் ஸர்வம் ப்ரகாஶயதி, தேந ஸ்வப்ரகாஶவ்யாப்த்யா ஸர்வாந் ஸர்வதி³க்ஸ்தா²ந் ப்ராணாந் ரஶ்மிஷு ஸம்நித⁴த்தே ॥