తేషామసౌ విరజ ఇత్యాదివాక్యం వ్యాచష్టే –
యస్త్వితి ।
ఉత్తరాయణ ఇతి ।
తేన ప్రాప్య ఇత్యర్థః । ప్రాణాత్మభావోఽపరబ్రహ్మతయాఽవస్థానమిత్యర్థః ।
అసౌ కేషాం తేషామితి ।
తేషామసౌ విరజ ఇత్యత్ర తేషామిత్యనేన కేషాం నిర్దేశ ఇతి ప్రశ్నార్థః ।
న యేషు జిహ్మమిత్యత్ర జిహ్మాదిశబ్దం వ్యతిరేకప్రదర్శనేన వ్యాచష్టే –
యథేత్యాదినా ।
మాయాగ్రహణం తాదృశానాం దోషాణాముపలక్షణమితి వదన్వాక్యార్థం సఙ్గృహ్య దర్శయతి –
మాయేత్యేవమితి ।
భిక్షుష్వితి పరమహంసవ్యతిరిక్తానాం కుటీచకాదీనాం గ్రహణమ్ । తేషాం బ్రహ్మలోకాదపి విరక్తత్వేన తత్రానర్థిత్వాత్ ।
ఇతిశబ్దార్థమాహ –
ఇత్యేషేతి ॥ ౧౬ ॥