గురుభక్తేర్విద్యాప్రాప్తావన్తరఙ్గసాధనత్వం ఖ్యాపయితుం గురూన్ప్రణమతి —
యైరితి ।
ఇమే క్రమేణ వ్యాఖ్యేయత్వేన బుద్ధిస్థాః । పదాని చ వాక్యాని చ ప్రమాణాని చ పదవాక్యప్రమాణాని । ‘సోఽకామయత’ ఇత్యాదౌ బ్రహ్మసత్త్వసాధకతయా వివక్షితాన్యనుమానాని ప్రమాణాని । తేషాం పదవాక్యప్రామాణానాం వివేచనపూర్వకం వ్యాఖ్యాతా ఇత్యర్థః । యద్వా పదం వ్యాకరణం తత్సాధుత్వవిచారరూపత్వాత్ , వాక్యం మీమాంసా వేదవాక్యవిచారరూపత్వాత్ , ప్రమాణం న్యాయశాస్త్రం ప్రాధాన్యేన ప్రత్యక్షాదిప్రమాణవిచారాత్మకత్వాత్ ; తతశ్చ పదవాక్యప్రమాణైః సాధనభూతైర్వ్యాఖ్యాతా ఇత్యర్థః ॥ ౨ ॥