ಚಿಕೀರ್ಷಿತಂ ನಿರ್ದಿಶತಿ —

ತೈತ್ತಿರೀಯಕೇತಿ ।

ನನು ವ್ಯುತ್ಪನ್ನಸ್ಯ ಪದೇಭ್ಯ ಏವ ಪದಾರ್ಥಸ್ಮೃತಿಸಂಭವಾತ್ಪದಸ್ಮಾರಿತಪದಾರ್ಥಾನಾಂ ಯಥಾಯೋಗ್ಯಂ ಸಂಬಂಧಸ್ಯೈವ ವಾಕ್ಯಾರ್ಥಸ್ಯಾವಗಂತುಂ ಶಕ್ಯತ್ವಾತ್ ಸೂತ್ರಕಾರೇಣ ವೇದಾಂತತಾತ್ಪರ್ಯಸ್ಯ ನಿರೂಪಿತತ್ತ್ವಾಚ್ಚ ವ್ಯರ್ಥಃ ಪೃಥಗ್ವ್ಯಾಖ್ಯಾರಂಭ ಇತ್ಯಾಶಂಕ್ಯಾಹ —

ವಿಸ್ಪಷ್ಟಾರ್ಥೇತಿ ।

ಮಂದಮತೀನಾಂ ಸ್ವತ ಏವ ನಿಃಶೇಷಪದಾರ್ಥಸ್ಮರಣಾಸಂಭವಾದುಪನಿಷದ್ಗತನಿಃಶೇಷಪದಾರ್ಥಾನಾಂ ನಿಃಸಂಶಯಜ್ಞಾನಂ ಯೇಭ್ಯೋ ರೋಚತೇ ತೇಷಾಮುಪಕಾರಾಯೇತ್ಯರ್ಥಃ ॥ ೩ ॥