ತೈತ್ತಿರೀಯೋಪನಿಷದ್ಭಾಷ್ಯಮ್
ಪಂಚಮೋಽನುವಾಕಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ವನಮಾಲಾವ್ಯಾಖ್ಯಾ
 
ಸಂಹಿತಾವಿಷಯಮುಪಾಸನಮುಕ್ತಮ್ । ತದನು ಮೇಧಾಕಾಮಸ್ಯ ಶ್ರೀಕಾಮಸ್ಯ ಚಾನುಕ್ರಾಂತಾ ಮಂತ್ರಾಃ । ತೇ ಚ ಪಾರಂಪರ್ಯೇಣ ವಿದ್ಯೋಪಯೋಗಾರ್ಥಾ ಏವ । ಅನಂತರಂ ವ್ಯಾಹೃತ್ಯಾತ್ಮನೋ ಬ್ರಹ್ಮಣಃ ಅಂತರುಪಾಸನಂ ಸ್ವಾರಾಜ್ಯಫಲಂ ಪ್ರಸ್ತೂಯತೇ -
ಸಂಹಿತಾವಿಷಯಮುಪಾಸನಮುಕ್ತಮ್ । ತದನು ಮೇಧಾಕಾಮಸ್ಯ ಶ್ರೀಕಾಮಸ್ಯ ಚಾನುಕ್ರಾಂತಾ ಮಂತ್ರಾಃ । ತೇ ಚ ಪಾರಂಪರ್ಯೇಣ ವಿದ್ಯೋಪಯೋಗಾರ್ಥಾ ಏವ । ಅನಂತರಂ ವ್ಯಾಹೃತ್ಯಾತ್ಮನೋ ಬ್ರಹ್ಮಣಃ ಅಂತರುಪಾಸನಂ ಸ್ವಾರಾಜ್ಯಫಲಂ ಪ್ರಸ್ತೂಯತೇ -

ವೃತ್ತಾನುವಾದಪೂರ್ವಕಮುತ್ತರಾನುವಾಕದ್ವಯತಾತ್ಪರ್ಯಮಾಹ —

ಸಂಹಿತಾವಿಷಯಮಿತ್ಯಾದಿನಾ ।

ಸಂಹಿತೋಪಾಸನಂ ಫಲಾಭಿಸಂಧಿಂ ವಿನಾನುಷ್ಠಿತಂ ಚಿತ್ತಶುದ್ಧಿದ್ವಾರಾ ವಿದ್ಯೋಪಯೋಗಾರ್ಥಮಿತಿ ಸೂಚಯತಿ —

ತೇ ಚೇತಿ ।

ಚ-ಶಬ್ದೋಽಪ್ಯರ್ಥಃ । ಸಂಹಿತೋಪಾಸನವತ್ತೇಽಪೀತ್ಯರ್ಥಃ ।

ಅಂತರಿತಿ ।

ವ್ಯಾಹೃತೀನಾಂ ಶ್ರದ್ಧಾಗೃಹೀತತ್ವಾತ್ತತ್ಪರಿತ್ಯಾಗೇನೋಪದಿಶ್ಯಮಾನಂ ಬ್ರಹ್ಮ ನ ಬುದ್ಧಿಮಾರೋಹತಿ । ಅತೋ ವ್ಯಾಹೃತಿಶರೀರಸ್ಯ ಬ್ರಹ್ಮಣೋ ಹೃದಯಾಂತರುಪಾಸನಮುಪದಿಶ್ಯತ ಇತ್ಯರ್ಥಃ ।