వృత్తానువాదపూర్వకముత్తరానువాకద్వయతాత్పర్యమాహ —
సంహితావిషయమిత్యాదినా ।
సంహితోపాసనం ఫలాభిసన్ధిం వినానుష్ఠితం చిత్తశుద్ధిద్వారా విద్యోపయోగార్థమితి సూచయతి —
తే చేతి ।
చ-శబ్దోఽప్యర్థః । సంహితోపాసనవత్తేఽపీత్యర్థః ।
అన్తరితి ।
వ్యాహృతీనాం శ్రద్ధాగృహీతత్వాత్తత్పరిత్యాగేనోపదిశ్యమానం బ్రహ్మ న బుద్ధిమారోహతి । అతో వ్యాహృతిశరీరస్య బ్రహ్మణో హృదయాన్తరుపాసనముపదిశ్యత ఇత్యర్థః ।