ఉత్తరానువాకస్య సఙ్గతిం వృత్తానువాదపూర్వకం దర్శయతి —
వ్యాహృత్యాత్మన ఇతి ।
అనన్తరం చేతి ।
అవ్యవహితపూర్వానువాక ఇత్యర్థః ।
ఇదానీమితి ।
ఉక్తవక్ష్యమాణసర్వోపాసనానాం కర్మణాం చాఙ్గభూతో య ఓఙ్కారస్తస్యోపాసనమిదానీం విధీయతే ; తథా చ పూర్వోక్తోపాసనేష్వఙ్గత్వేనోపస్థితస్య ప్రణవస్యాత్రోపాసనవిధానాత్సఙ్గతిరితి భావః । న చోఙ్కారస్య సర్వవైదికకర్మోపాసనాఙ్గత్వే మానాభావ ఇతి వాచ్యమ్ ; ‘తస్మాదోమిత్యుదాహృత్య యజ్ఞదానతపఃక్రియాః । ప్రవర్తన్తే విధానోక్తాః సతతం బ్రహ్మవాదినామ్’ ఇతి భగవద్వచనస్యైవ మానత్వాత్ । బ్రహ్మవాదినాం వేదవాదినామిత్యర్థః ।