శ్రేష్ఠశ్చ ।
న కేవలమితరే ప్రాణా బ్రహ్మవికారాః । శ్రేష్ఠశ్చ ప్రాణో బ్రహ్మవికారః । “నాసదాసీత్” ఇత్యధికృత్య ప్రవృత్తే బ్రహ్మసూక్తే నాసదాసీయే సర్గాత్ప్రాగానీదితి ప్రాణవ్యాపారశ్రవణాదసతి చ వ్యాపారానుపపత్తేః ప్రాణసద్భావాజ్జ్యేష్ఠత్వశ్రుతేశ్చ న బ్రహ్మవికారః ప్రాణ ఇతి మన్వానస్య బహుశ్రుతివిరోధేఽపి చ శ్రుత్యోరేతయోర్గతిమపశ్యతః పూర్వపక్షః । రాద్ధాన్తస్తు బహుశ్రుతివిరోధాదేవానీదితి న ప్రాణవ్యాపారప్రతిపాదినీ, కిన్తు సృష్టికారణమానీత్జీవతి స్మ ఆసీదితి యావత్ । తేన తత్సద్భావప్రతిపాదనపరా । జ్యేష్ఠత్వం చ శ్రోత్రాద్యపేక్షమితి గమయితవ్యమ్ । తస్మాద్బహుశ్రుత్యనురోధాన్ముఖ్యస్యాపి ప్రాణస్య బ్రహ్మవికారత్వమితి సిద్ధమ్ ॥ ౮ ॥
శ్రేష్ఠశ్చ॥౮॥ పాదాద్యధికరణన్యాయోఽత్రాతిదిశ్యతే । జ్ఞాతేషు చక్షురాదిషు తద్వ్యాపారాత్ ప్రాణస్య భేదచిన్తా వక్ష్యమాణా సుకరేతి తదనన్తరమనతిదేశః । ఆనీదిత్యస్య మహాప్రలయవిషయత్వేనాధికాశఙ్కామాహ –
నాసదాసీదితీతి॥౮॥