ತದ್ಭೂತಸ್ಯ ತು ನಾತದ್ಭಾವೋ ಜೈಮಿನೇರಪಿ ನಿಯಮಾತ್ತದ್ರೂಪಾಭಾವೇಭ್ಯಃ ।

ಆರೋಹವತ್ಪ್ರತ್ಯವರೋಹೋಽಪಿ ಕದಾಚಿದೂರ್ಧ್ವರೇತಸಾಂ ಸ್ಯಾದಿತಿ ಮಂದಾಶಂಕಾನಿವಾರಣಾರ್ಥಮಿದಮಧಿಕರಣಮ್ । ಪೂರ್ವಧರ್ಮೇಷು ಯಾಗಹೋಮಾದಿಷು । ರಾಗತೋ ವಾ ಗೃಹಸ್ಥೋಽಹಂ ಪತ್ನ್ಯಾದಿಪರಿವೃತಃ ಸ್ಯಾಮಿತಿ ।

ನಿಯಮಂ ವ್ಯಾಚಷ್ಟೇ –

ತಥಾಹಿ ಅತ್ಯಂತಮಾತ್ಮಾನಮಿತಿ ।

ಅತದ್ರೂಪತಾಮಾರೋಹತುಲ್ಯತಾಭಾವಂ ವ್ಯಾಚಷ್ಟೇ –

ಯಥಾಚ ಬ್ರಹ್ಮಚರ್ಯಂ ಸಮಾಪ್ಯೇತಿ ।

ಅಭಾವಂ ಶಿಷ್ಟಾಚಾರಾಭಾವಂ ವಿಭಜತೇ –

ನ ಚೈವಮಾಚಾರಾಃ ಶಿಷ್ಟಾ ಇತಿ ।

ಅತಿರೋಹಿತಾರ್ಥಮನ್ಯತ್ ॥ ೪೦ ॥