நநு ந ஜீவோ ப்³ரஹ்மணோ(அ)ந்ய: இத்யுக்தம் ॥ பா³ட⁴ம் ; அத ஏவா(அ)ர்தா²ஜ்ஜீவே ப்³ரஹ்மஸ்வரூபப்ரகாஶாச்சா²தி³கா அவித்³யா கல்ப்யதே ; அந்யதா² பரமார்த²தஸ்தத்ஸ்வரூபத்வே தத³வபோ³தோ⁴(அ)பி யதி³ நித்யஸித்³த⁴: ஸ்யாத் , ததா³ தாதா³த்ம்யோபதே³ஶோ வ்யர்த²: ஸ்யாத் । அத: அநாதி³ஸித்³தா⁴வித்³யாவச்சி²ந்நாநந்தஜீவநிர்பா⁴ஸாஸ்பத³மேகரஸம் ப்³ரஹ்மேதி ஶ்ருதிஸ்ம்ருதிந்யாயகோவிதை³ரப்⁴யுபக³ந்தவ்யம் । ததா² ச ஸ்ம்ருதி: — ‘ப்ரக்ருதிம் புருஷம் சைவ வித்³த்⁴யநாதீ³ உபா⁴வபி’ (ப⁴ . கீ³ 13 - 19) இதி க்ஷேத்ரக்ஷேத்ரஜ்ஞத்வநிமித்தாமநாதி³ஸித்³தா⁴மவித்³யாம் ப்ரக்ருதிஶப்³தே³நாஹ ; ‘மாயாம் து ப்ரக்ருதிம் வித்³யாத்’ (ஶ்வே. உ. 4-10) இதி ஶ்ருதே: । அதோ மாயாவச்சி²ந்நரூபத்வாத³நந்யத³பி ப்³ரஹ்மரூபமாத்மநோ ந வேத்தி । ததா² சோக்தம் — ‘அநாதி³மாயயா ஸுப்தோ யதா³ ஜீவ: ப்ரபு³த்³த்⁴யதே । அஜமநித்³ரமஸ்வப்நமத்³வைதம் பு³த்⁴யதே ததா³’ (கௌ³.கா.1/16) இதி ॥
அத ஏவார்தா²தி³தி ।
ஐக்யே ஸத்யேவஸத்யே இதி ப்³ரஹ்மரூபாநவபா⁴ஸாநுபபத்த்யாச்சா²தி³காவித்³யா கல்ப்யத இத்யர்த²: ।
அந்யதே²தி ।
அயமர்த²:, ஜீவஸ்ய ப்³ரஹ்மரூபத்வாச்சா²தி³காவித்³யாபா⁴வே பரமார்த²தோ ப்³ரஹ்மரூபத்வாத் ப்³ரஹ்மாத்மதாவபோ³தோ⁴(அ)பி தத்ர யதி³ நித்யஸித்³த⁴: ஸ்யாத் ததா³ தாதா³த்ம்யோபதே³ஶோ வ்யர்த²: ஸ்யாதி³தி । ஐக்யே ஸதி ஜீவப்³ரஹ்மவிபா⁴க³: கத²ம் ஸித்⁴யேதி³த்யாஶங்க்ய அவித்³யாலேஶேஷு ப்ரதிபி³ம்பி³தசைதந்யாநி ஜீவா இத்யுச்யந்தே ।
தேஷாம் பி³ம்ப³பூ⁴தமக²ண்ட³சைதந்யம் ப்³ரஹ்மேத்யதோ பி³ம்ப³ப்ரதிபி³ம்ப³பா⁴வேநாவித்³யயா பே⁴த³ இத்யாஹ –
அதோ(அ)நாதி³ஸித்³தே⁴தி ।
நிர்பா⁴ஸாஸ்பத³மிதி ।
ப்ரதிபி³ம்பா³ஸ்பத³மித்யர்த²: ।
ப்³ரஹ்மவ்யதிரிக்தமநாதி³வஸ்து நாஸீதி³தி தத்ராஹ -
ததா² ச ஸ்ம்ருதிரிதி ।
ஸாங்க்²யாபி⁴மதப்ரக்ருதேரநாதி³த்வம் ஸ்ம்ருத்யோக்தம் நாவித்³யாயா இதி, நேத்யாஹ –
க்ஷேத்ரஜ்ஞத்வநிமித்தாமிதி ।
ஜீவத்வே ஹேதுபூ⁴தாமித்யர்த²: ।