ನನು ಪ್ರಮಾಣಾಂತರವಿರೋಧೇ ಸತಿ ಶ್ರುತಿಃ ತದರ್ಥಾಪತ್ತಿರ್ವಾ ನಾವಿದ್ಯಾಂ ನಿವೇದಯಿತುಮಲಮ್ ? ಕಿಂ ತತ್ ಪ್ರಮಾಣಂ ? ಯೇನ ಸಹ ವಿರೋಧಃ, ನಿರಂಶಸ್ಯ ಸ್ವಯಂಜ್ಯೋತಿಷಃ ಸ್ವರೂಪಾನವಭಾಸಾನುಪಪತ್ತಿಃ । ನನು ಭೋಕ್ತುಃ ಕಾರ್ಯಕಾರಣಸಂಘಾತಾತ್ ವ್ಯಾವೃತ್ತತಾ ಸ್ವಯಂಜ್ಯೋತಿಷೋಽಪಿ ನ ಪ್ರಕಾಶತೇ, ನನು ನ ಭೋಕ್ತಾ ಸ್ವಯಂಜ್ಯೋತಿಃ, ಕಿಂ ತ್ವಹಂಪ್ರತ್ಯಯೇನಾವಭಾಸ್ಯತೇ । ಯಥಾ ಸ್ವಯಂಪ್ರಕಾಶಮಾನತಾ, ಅಹಂಕಾರೋ ನ ಪ್ರತ್ಯಯಸ್ತಥಾ ವಕ್ಷ್ಯತೇ ॥
ಸ್ವಯಂಪ್ರಕಾಶಸ್ಯ ಅವಿದ್ಯಾಶ್ರಯತ್ವಸಂಭವೇಽಪ್ಯವಿದ್ಯಾವಿಷಯತ್ವಂ ನ ಸಂಭವತೀತ್ಯತೋ ನಾವಿದ್ಯೇತಿ ಚೋದಯತಿ -
ನನು ಪ್ರಮಾಣವಿರೋಧ ಇತಿಪ್ರಮಾಣಾಂತರವಿರೋಧ ಇತಿ ।
ನಿರಂಶಸ್ಯ ಸ್ವರೂಪಾನವಭಾಸಾನುಪಪತ್ತಿರಿತ್ಯುಕ್ತೇ ನಿರಂಶಸ್ಯ ಆಕಾಶಸ್ಯಾವಭಾಸೋ ನ ದೃಶ್ಯತ ಇತ್ಯಾಶಂಕ್ಯಾಹ -
ಸ್ವಯಂಜ್ಯೋತಿಷ ಇತಿ ।
ಅತೋಽನವಭಾಸಾಅನವಭಾಸಷ್ಟಂಭವಾದಿತಿಸಂಭವಾದನವಭಾಸಾಯ ನಾವಿದ್ಯಾಭ್ಯುಪೇಯೇತಿ ಭಾವಃ ।
ಸಿದ್ಧಾಂತೀ ಆಹ -
ನನು ಭೋಕ್ತುಃ ಇತಿ ।
ಅಹಂಕಾರೋ ನ ಪ್ರತ್ಯಯ ಇತಿ ।
ಆತ್ಮಕರ್ಮಕಪ್ರತ್ಯಯೋ ನ ಭವತೀತಿ ವಕ್ಷ್ಯತ ಇತ್ಯರ್ಥಃ ।