கத²ம் புந: போ⁴க்தா ஸ்வயஞ்ஜ்யோதி: கார்யகரணஸங்கா⁴தாத் வ்யாவ்ருத்தோ ந ப்ரகாஶதே ? ‘மநுஷ்யோ(அ)ஹமி’தி மித்²யைவ ஏகதாபி⁴மாநாத் । நநு கௌ³ணோ(அ)யம், ந மித்²யா ? யதா² ந கௌ³ண:, ததா² பா⁴ஷ்யகார ஏவ வக்ஷ்யதி ॥
பே⁴த³ஸ்யாத்மமாத்ரத்வாத் ஆத்மபதா³ர்த²ஜ்ஞாநமேவ பே⁴தே³ ப்ரத்யக்ஷமிதி பே⁴தா³நவபா⁴ஸோ நாஸ்தீதி சோத³யதி -
கத²ம் புநர்போ⁴க்தேதி ।
சிஜ்ஜட³யோர்விருத்³த⁴யோ: ந ஸத்யைகதாபி⁴மாநாஶங்காஸ்தீதி மத்வாஹ –
மித்²யைவைகதாபி⁴மாநாதி³தி ।
அதோ பே⁴தோ³ நாவக³த இத்யர்த²: ।