நநு ஸத்யேவ பி³ம்பை³கதாவக³மே ப்ரதிபி³ம்ப³ஸ்ய தத்³க³தோ விச்சே²தா³தி³மித்²யாவபா⁴ஸ:, ததா² ப்³ரஹ்மைகதாவக³மே(அ)பி ஜீவஸ்ய விச்சே²தா³தி³மித்²யாவபா⁴ஸோ ந நிவர்திதுமர்ஹதி, உச்யதே — தே³வத³த்தஸ்யாசேதநாம்ஶஸ்யைவ ப்ரதிபி³ம்ப³த்வாத் , ஸசேதநாம்ஶஸ்யைவ வா ப்ரதிபி³ம்ப³த்வே ப்ரதிபி³ம்ப³ஹேதோ: ஶ்யாமாதி³த⁴ர்மேணேவ ஜாட்³யேநாப்யாஸ்கந்தி³தத்வாத் ந தத் ப்ரதிபி³ம்ப³ம் பி³ம்பை³கரூபதாமாத்மநோ ஜாநாதி ; அசேதநத்வாத் , ததா² சாநுப⁴வ: ‘ந பி³ம்ப³சேஷ்டயா விநா ப்ரதிபி³ம்ப³ம் சேஷ்டதே’ இதி । யஸ்ய ஹி ப்⁴ராந்திராத்மநி பரத்ர வா ஸமுத்பந்நா, தத்³க³தேநைவ ஸம்யக்³ஜ்ஞாநேந ஸா நிவர்ததே, யஸ்து ஜாநீதே தே³வத³த்த: ப்ரதிபி³ம்ப³ஸ்யாத்மநோ(அ)பி⁴ந்நத்வம், ந ஸ தத்³க³தேந தோ³ஷேண ஸம்ஸ்ப்ருஶ்யதே, நாபி ஜ்ஞாநமாத்ராத் ப்ரதிபி³ம்ப³ஸ்ய நிவ்ருத்தி: ; தத்³தே⁴தோ: த³ர்பணாதே³: பாரமார்தி²கத்வாத் । ஜீவ: புந: ப்ரதிபி³ம்ப³கல்ப: ஸர்வேஷாம் ந ப்ரத்யக்ஷஶ்சித்³ரூப: நாந்த:கரணஜாட்³யேநாஸ்கந்தி³த: । ஸ சாஹங்கர்த்ருத்வமாத்மநோ ரூபம் மந்யதே, ந பி³ம்ப³கல்பப்³ரஹ்மைகரூபதாம் ; அதோ யுக்தஸ்தத்³ரூபாவக³மே மித்²யாத்வாபக³ம: ॥
ஔபாதி⁴கத⁴ர்மாத்⁴யாஸஸ்ய தத்த்வஜ்ஞாநாத³ததஜ்ஞாநாத³நநிவ்ருத்தேரிதிநிவ்ருத்தே: ஏகத்வஜ்ஞாநேந நிவர்தத இதி பரிஹர்தும் ஜீவோ ப்³ரஹ்மாத்மதாம் ந ஜாநாதி, ப்ரதிபி³ம்ப³த்வாத்³தே³வத³த்தப்ரதிபி³ம்ப³வதி³தி ஶங்காம் ப்ரத²மம் பரிஹரதி -
உச்யத இதி ।
ஶரீரமேவ சேதநமிதி லோகாயத:, தத்ராஹ -
ஸசேதநாம்ஶஸ்யைவ வேதி ।
ப்ரதிபி³ம்ப³ஹேதோரிதி ।
த³ர்பணஸ்யேத்யர்த²: ।
ஜாட்³யேநாப்யாஸ்கந்தி³தத்வாதி³தி ।
ஶரீரஸ்யாசேதநத்வபக்ஷே ஸ்வாயஜாட்³யேநேதிஸ்வீயஜாட்³யேந, சேதநத்வபக்ஷே த³ர்பணஜாட்³யேநாஸ்கந்தி³தத்வாதி³த்யர்த²: । அசேதநத்வாதி³த்யத்ர லோகாயதபக்ஷே அசேதநஸமத்வாதி³தி யோஜ்யம் ।
ததா² சாநுப⁴வ இதி ।
ப்ரதிபி³ம்ப³ஸ்யாபி சேதநத்வே பி³ம்ப³சேஷ்டாம் விநாபி கதா³சித் பி³ம்ப³வச்சேஷ்டேத தத³பா⁴வாத் ப்ரதிபி³ம்ப³ஸ்யாசேதநத்வமநுபூ⁴யத இத்யர்த²: ।
பி³ம்ப³தே³வத³த்தஸ்யேவ பி³ம்ப³பூ⁴தப்³ரஹ்மண ஏவ ப்⁴ரமநிராஸிதத்த்வஜ்ஞாநாஶ்ரயத்வம் ஸ்யாதி³தி ஶங்காயாம் ஜீவத்வாஜ்ஞத்வப்⁴ராந்தத்வாபா⁴வாந்ந ஜ்ஞாநாஶ்ரயத்வமித்யாஹ -
யஸ்ய ஹி ப்⁴ராந்திரிதி ।
ஆத்மநீதி விஷயஸப்தமீ ; தே³வத³த்தே பி³ம்ப³த்வப்⁴ராந்தத்வயோ: ஸதோ: கஸ்மாத் ப்⁴ராந்தத்வஸ்யைவ ஸம்யக்³ஜ்ஞாநாஶ்ரயத்வே ப்ரயோஜகத்வம் உச்யத இத்யாஶங்க்ய ப்⁴ராந்தரூப்யம் ப்ரதி தே³வத³த்தஸ்ய பி³ம்ப³த்வாபா⁴வாத் தத்ர ப்⁴ராந்தத்வமேவ ஸம்யக்³ஜ்ஞாநாஶ்ரயத்வே ப்ரயோஜகம் த்³ருஷ்டம், தத்³வதி³ஹாபி ஸ்யாதி³தி மத்வாஹ -
பரத்ர வேதி ।
வாஶப்³த³ இவார்த²: । அத்ராபி விஷயஸப்தமீ ।
ஸ்வஸ்ய ஜீவைக்யம் ப்³ரஹ்ம ந ஜாநாதி சேத் ஸர்வஜ்ஞதாஹாநி:, ஜாநாதி சேத் ஸ்வாத்மந்யேவ ஸம்ஸாரம் பஶ்யேதி³தி, நேத்யாஹ -
யஸ்து ஜாநீத இதி ।
கர்த்ருத்வாதே³ருபாதி⁴பூ⁴தாஹங்காராதே³ராவித்³யத்வாத்கர்மாநபேக்ஷயா ஏகத்வஜ்ஞாநேநைவ நிராஸஸித்³தி⁴: । அந்யத்ரோபாதே⁴: ஸத்வாத³நிவ்ருத்திரிதி வ்யவஹிதசோத்³யம் பரிஹரதி -
நாபி ஜ்ஞாநமாத்ராதி³தி ।
ப்ரதிபி³ம்ப³ஸ்யேதி ।
ப்ரதிபி³ம்ப³பா⁴வஸ்ய ஔபாதி⁴கத⁴ர்மஸ்யேத்யர்த²: ।
ஜீவ: ப்ரதிபி³ம்ப³ம் ந ப⁴வதி । ப்ரதிபி³ம்ப³த்வே ஸம்ப்ரதிபந்நவத³சேதநத்வப்ரஸங்கா³த் இத்யாஶங்க்ய ஜீவஸ்ய சித்த்வமப்⁴யுபக³ம்ய ப்ரதிபி³ம்ப³த்வாபா⁴வ: ஸாத்⁴யதே ? உத ப்ரதிபி³ம்ப³த்வமப்⁴யுபக³ம்ய சித்த்வாபா⁴வ: ஸாத்⁴யதே இதி விகல்ப்ய ப்ரதிபி³ம்ப³த்வாபா⁴வஶ்சேத் ஸாத்⁴யதே ததா³ ‘ரூபம் ரூபம் ப்ரதிரூபோ ப³பூ⁴வ’கடோ²0உ0 2 - 5 - 9, 10. இத்யாதி³ஶ்ருதிவிருத்³த⁴மநுமாநமித்யாஹ -
ஜீவ: புநரிதி ।
தர்ஹி ஜீவோ(அ)சேதந: ப்ரதிபி³ம்ப³த்வாத் ஸம்ப்ரதிபந்நவதி³தி ஜட³த்வம் ஸாத்⁴யதே இத்யாஶங்க்ய ப்ரத்யக்ஷவிருத்³த⁴ம் இத்யாஹ -
ஸர்வேஷாம் ந இதி ।
உபாதி⁴ஜாட்³யேநாதிரஸ்க்ருதசைதந்யத்வேந ப்ரத்யக்ஷ இத்யாஹ –
நாந்த:கரணஜாட்³யேநேதி ।
சிந்மாத்ரத்வம் ப்³ரஹ்மத்வம் நாம தத்³ரூபத்வம் ப்ரத்யக்ஷம் சேத் ஶ்ரவணாதி³வையர்த்²யமித்யாஶங்க்யாஹ -
ஸ சாஹமிதி ।