నను తత్ర విభ్రామ్యతో విభ్రమహేతుర్దర్పణాలక్తకాదిపరమార్థవస్తు సన్నిహితమస్తి, న తథేహ కిఞ్చిత్ సర్వత్రైవ చిద్విలక్షణే విభ్రమవిలాసాభిమానిన ఇతి మా భూదాశఙ్కేతి రజ్జుసర్పముదాహరన్తి ॥
ఆత్మాతిరిక్తస్య కృత్స్నస్య కల్పితత్వమఙ్గీకుర్వతాహఙ్కారాద్యుపాధేరవికల్పితత్వం వక్తవ్యమ్ । తన్న సమ్భవతి, ఉపాధ్యన్తరాభావాత్ ఇత్యాశఙ్కాయాముపాధ్యనపేక్షయా అధ్యాసోఽస్తీతి దర్శయన్తి శ్రుతయ ఇత్యాహ -
నను తత్ర విభ్రామ్యత ఇతి ।
ఇహేతి ।
అహఙ్కారాద్యుపాధ్యధ్యాస ఇత్యర్థః ।