ಅರ್ಥಂ ಪ್ರತಿಪಾದ್ಯ ಇದಾನೀಮಸ್ಮತ್ಪ್ರತ್ಯಯವಿಷಯತ್ವಾದಿತಿ ಭಾಷ್ಯಂ ಯೋಜಯತಿ -

ತದೇವಮಿತಿ ।

ವ್ಯಂಜಕದರ್ಪಣಸ್ಯ ಬಿಂಬಾದನ್ಯದೇಶಸ್ಥತ್ವವಚ್ಚೈತನ್ಯವ್ಯಂಜಕಾಂತಃಕರಣಸ್ಯ ಚೈತನ್ಯಾದನ್ಯದೇಶತ್ವಂ ಭವೇದಿತ್ಯಾಶಂಕ್ಯ ಧ್ವನಿವದ್ವ್ಯಂಗ್ಯಸಂಶ್ಲಿಷ್ಟತಯಾ ಉಪಾಧಿತ್ವಾತ್ ನ ಭಿನ್ನದೇಶತ್ವಮಿತ್ಯಾಹ -

ಅನಿದಂ ಚಿತ್ಸಂವಲಿತತ್ವೇನೇತಿ ।

ಶಾರೀರಃ ಕ್ಷೇತ್ರಜ್ಞ ಇತ್ಯಾದ್ಯನೇಕೋಪಾಧಿಯುಕ್ತಮಾತ್ಮಾನಂ ವರ್ಣಯತಿ ಶ್ರುತಿಃ । ತತ್ರ ಕಥಮಹಂಕಾರಸ್ಯೈವೋಪಾಧಿತ್ವಮಿತ್ಯಾಶಂಕ್ಯಾಹಂಕಾರಾತ್ಮತಯಾ ತತ್ಸಂಸ್ಕಾರಾತ್ಮತಯಾ ವಾ ಅವಸ್ಥಿತಾ ಅವಿದ್ಯೈವಾತ್ಮೋಪಾಧಿಃ, ತದುಪಹಿತಸ್ಯೈವ ಜಾಗ್ರದಾಜಾಗ್ರತಾದಿಷು ಇತಿದಿಷು ಬಾಹ್ಯಬಹುವಿಧೋಪಾಧಿಯೋಗನಿಮಿತ್ತೋಽಯಂ ವ್ಯಪದೇಶಭೇದ ಇತ್ಯಾಹ -

ಸ ಪುನರೇವಂಭೂತ ಇತಿ ।

ಗತಾಗತಮಾಚರನ್ನಿತಿ ।

ಅವಿದ್ಯೋಪಾಧಿನಾಪ್ರತಿಬದ್ಧಪ್ರಕಶ ಏವ ಬಾಹ್ಯಬಹುವಿಧೋಪಾಧ್ಯುಪರಕ್ತಃ ಸನ್ನಿತ್ಯರ್ಥಃ ।

ಅದ್ವಿತೀಯರೂಪಸ್ಯಾಚ್ಛನ್ನತ್ವಾತ್ ಜೀವ ಇತ್ಯಾಹ -

ಜೀವ ಇತಿ ।

ತೇಜೋರೂಪಾಂತಃಕರಣೇನ ಐಕ್ಯಾಧ್ಯಾಸವಂತ್ವಾತ್ ವಿಜ್ಞಾನಘನ ಇತ್ಯಾಹ -

ವಿಜ್ಞಾನಘನ ಇತಿ ।

ವಿಜ್ಞಾನಸ್ಯ ಆತ್ಮಾ ವಿಜ್ಞಾನಾತ್ಮೇತ್ಯಾಹ –

ವಿಜ್ಞಾನಾತ್ಮೇತಿ ।

ಸುಷುಪ್ತೇಽಜ್ಞಾನೈಕ್ಯೇನ ಅಧ್ಯಸ್ತಂ ಸ್ವರೂಪಮಾಹ -

ಪ್ರಾಪ್ರಜ್ಞ ಇತಿಜ್ಞ ಇತಿ ।

ಶರೀರೇಣ ತಾದಾತ್ಮ್ಯಾಧ್ಯಾಸವದ್ರೂಪಮಾಹ -

ಶಾರೀರ ಆತ್ಮೇತಿ ।

ಸುಷುಪ್ತ್ಯವಸ್ಥಯಾ ಐಕ್ಯೇನಾಧ್ಯಸ್ತಂ ರೂಪಮಾಹ -

ಸಂಪ್ರಸಾದ ಇತಿ ।

ಪೂರ್ಯಾಂ ಶೇತ ಇತಿ ಪುರುಷ ಇತ್ಯಾಹ -

ಪುರುಷ ಇತಿ ।

ಸರ್ವಾಂತರ ಇತ್ಯಾಹ –

ಪ್ರತ್ಯಗಾತ್ಮೇತಿ ।

ಪ್ರಾಣಾತ್ಮರೂಪಮಾಹ -

ಕರ್ತಾ ಭೋಕ್ತೇತಿ ।

ಪಂಚಕೋಶೇಷುಪಂಚಕೋಶೇ ಇತಿ ಪ್ರತಿಬಿಂಬಿತಚೈತನ್ಯಪ್ರತಿಬಿಂಬತಯಾ ಕೋಶಜ್ಞ ಇತ್ಯಾಹ -

ಕ್ಷೇತ್ರಜ್ಞ ಇತಿ ।

ಕಿಂಚ ನ ಕೇವಲಮಿತಿ ।

ಪರಿಚ್ಛಿನ್ನತಯಾ ಸ್ಫುರಿತತ್ವಮ್ ಅಧಿಷ್ಠಾನತ್ವಾಅಧಿಷ್ಠಾನತ್ವಾಪೇಯೇತಿಯಾಪೇಕ್ಷಿತಮಿತ್ಯಂಗೀಕೃತ್ಯ ಪರಿಚ್ಛಿನ್ನತಯಾ ಸ್ಫುರಿತತ್ವಂ ಸಂಪಾದಿತಮ್ । ಇದಾನೀಂ ಪರಿಚ್ಛಿನ್ನತಯಾ ಸ್ಫುರಿತತ್ವಮನಪೇಕ್ಷಿತಮಪರೋಕ್ಷತ್ವಮೇವಾಧಿಷ್ಠಾನಅಧಿಷ್ಠನತ್ವಯಾಲಮಿತಿತ್ವಾಯಾಲಮಿತ್ಯಾಹ ಭಾಷ್ಯಕಾರ ಇತ್ಯರ್ಥಃ ।

ತತ್ಸಾಧನಾರ್ಥಮಾಹೇತಿ ।

ಅಪರೋಕ್ಷತ್ವಸಾಧನಾರ್ಥಮಾಹೇತ್ಯರ್ಥಃ ।

ನಿತ್ಯಾನುಮೇಯ ಆತ್ಮಾ ಕಥಮಪರೋಕ್ಷತಯಾ ಸಿದ್ಧ ಇತಿ ನೇತ್ಯಾಹ -

ನ ಹ್ಯಾತ್ಮನ್ಯಪ್ರಸಿದ್ಧ ಇತಿ ।

ವಿಷಯಾನುಭವಕಾಲೇ ಪ್ರಮಿತಿವಿಶಿಷ್ಟವಿಷಯಸಂಬಂಧಿತಯಾ ವಿಷಯಪ್ರಮಿತ್ಯೋರಿವ ಸ್ವಾತ್ಮನಃ ಪ್ರಸಿದ್ಧ್ಯಭಾವೇ ಆತ್ಮಾಂತರಸಿದ್ಧೇನೇವ ಮಯೇದಮಿತಿ ಸಂಬಂಧಾವಭಾಸೋ ನ ಸ್ಯಾದಿತ್ಯರ್ಥಃ ।

ವಿಷಯಾನುಭವಾಶ್ರಯತಯಾನಾತ್ಮನೋ ಪರೋಕ್ಷಪರೋಕ್ಷಪ್ರಸಿದ್ಧಿರಿತಿತ್ವಸಿದ್ಧಿರಿತ್ಯಾಹ -

ನ ಚ ಸಂವೇದ್ಯಜ್ಞಾನೇನೈವೇತಿ ।

ಜ್ಞಾನಾಂತರೇಣೇತಿ ।

ಆತ್ಮವಿಷಯಜ್ಞಾನಾಂತರೇಣೇತ್ಯರ್ಥಃ ।

ಭಿನ್ನಕಾಲತ್ವ ಇತಿ ।

ವಿಷಯಾನುಭವಕಾಲಾತ್ ಭಿನ್ನಕಾಲತ್ವ ಇತ್ಯರ್ಥಃ ।

ಜ್ಞಾನದ್ವಯೋತ್ಪಾದ ಇತಿ ।

ನಿರವಯವಸ್ಯೈಕವಿಷಯೇ ಭಿನ್ನವಿಷಯೇ ವಾ ಯುಗಪದ್ ಜ್ಞಾನದ್ವಯೋತ್ಪಾದ ಇತಿ ಭಾವಃ ।

ಏಕಸ್ಯ ಯುಗಪತ್ ಕಾರ್ತ್ಸ್ನ್ಯೇನ ಪರಿಣಾಮದ್ವಯಂ ಸ್ಯಾದಿತ್ಯಾಶಂಕ್ಯ ತದಪಿ ನ ಯುಕ್ತಮಿತ್ಯಾಹ -

ಆಹ ಮಾ ಭೂದಿತಿ ।

ಅವಿರುದ್ಧಮಿತಿ ।

ಗಮನದ್ವಯಸ್ಯೈಕಕರಣಸಾಧ್ಯತ್ವಾವಿರೋಧೋಽಸ್ತಿ, ಗತಿಗಾಯತ್ಯೋಸ್ತು ಭಿನ್ನೇಂದ್ರಿಯಸಾಧ್ಯತ್ವಾತ್ ಅವಿರೋಧ ಇತಿ ಭಾವಃ ।

ಪರಿಣಾಮೇಽಪ್ಯವಿರುದ್ಧತ್ವಂ ಯೌಗಪದ್ಯೇ ಪ್ರಯೋಜಕಮ್ , ವಿರುದ್ಧತ್ವಮಯೌಗಪದ್ಯೇ ಪ್ರಯೋಜಕಮಿತ್ಯಾಹ -

ಪರಿಣಾಮಾತ್ಮಕಮಪಿ ನ ಭವತೀತಿ ।

ಯೌವನಸ್ಥಾವಿರಹೇತುರಿತ್ಯತ್ರಪರಿಣಾಮ ? ...... ಇತ್ಯಧ್ಯಾಹಾರಃ ।

ಪರಿಶೇಷಾತ್ ಸ್ವಯಂಪ್ರಕಾಶತ್ವಮೇವೇತ್ಯಾಹ -

ಸ್ವಯಂ ಪ್ರಸಿದ್ಧ ಇತಿ ।

ಅತೋ ಬಾಧ್ಯತ್ವಮಾರೋಪಿತತ್ವಂ ಚ ನಾಸ್ತೀತ್ಯಾಹ -

ಸ್ವಯಮಹೇಯೋಽನುಪಾದೇಯ ಇತಿ ।

ಅತಃ ಸರ್ವಬಾಧಾವಧಿತ್ವಂ ಸರ್ವಾರೋಪಸ್ಥಾನತ್ವಂ ಚ ಸ್ಯಾದಿತ್ಯಾಹ -

ಸರ್ವಸ್ಯ ಹಾನೋಪಾದಾನಾವಧಿರಿತಿ ।

ಸ್ವಮಹಿಮ್ನೈವೇತಿ ।

ನ ತ್ವಹಂಕಾರೇಣ ಪರಿಚ್ಛಿನ್ನತಯಾ ಸ್ಫುರಿತತ್ವಾದಾತ್ಮನೋಽಧಿಷ್ಠಾನತ್ವಮಿತಿ ಭಾವಃ ।