ప్రతిజానతేతి ।

అనర్థహేతునివర్తకబ్రహ్మజ్ఞానాయ విచారః కర్తవ్య ఇతి ప్రతిజానతేత్యర్థః ।

అవిద్యేతి మన్యన్త ఇతి ।

అవిద్యాన్వయవ్యతిరేకాభ్యామవిద్యాకార్యతయా అవిద్యేతి మన్యన్త ఇత్యర్థః ।

న కేవలమవిద్యాకార్యత్వాత్ అవిద్యాత్వం విద్యానివర్త్యత్వాచ్చ అవిద్యాత్వమధ్యాసస్యేత్యాహ -

తద్వివేకేన చేతి ।

ఎతద్భాష్యం యోజయతి -

అధ్యస్తాతద్రూపేతి ।

ధ్యస్తత్వాదేవాతద్రూప ఇత్యర్థః ।

ఆహురిత్యస్యార్థమాహ -

ప్రసిద్ధమేవ లోక ఇతి ।

కేషాం ప్రసిద్ధప్రసిద్ధ ఇతిమిత్యత ఆహ -

బ్రహ్మవిదో వదన్తీతి ।

విద్యానివర్త్యత్వాదధ్యస్తాహఙ్కారాదేరవిద్యాత్వమాహురితి భావః ।

అహఙ్కారాదీనామవిద్యాన్వయవ్యతిరేకాత్ విద్యానివర్త్యత్వాచ్చ అవిద్యాత్వం చేత్ సూత్రకారేణావిద్యానివర్తక బ్రహ్మజ్ఞానాయ విచారః కర్తవ్య ఇత్యేవమేవ వక్తవ్యమ్ । న త్వనర్థం హేత్వహఙ్కారావిద్యాధ్యాసనివర్తకజ్ఞానాయేత్యాశఙ్కతే -

యద్యేవమితి ।

సుషుప్తే కేవలావిద్యయా అనర్థకరత్వాభావాత్ । పురుషాకాఙ్క్షాయాః తన్నివృత్తివిషయత్వాభావాద్దేహాద్యధ్యాసస్యానర్థకరత్వాదేవ తన్నివృత్తివిషయత్వాదనర్థహేత్వధ్యాసనివర్తకజ్ఞానాయేత్యుక్త్వా తస్య జ్ఞాననివర్త్యత్వసిద్ధయేఽవిద్యాత్వం పశ్చాదుపపాదనీయమిత్యాహ –

నైతత్సారమిత్యాదినా ।

అవిద్యేత్యేవోచ్యమానే అవిద్యానివర్తకజ్ఞానాయేతి సూత్రకారేణోక్త ఇత్యర్థః ।

ప్రకృతోపయోగితయేతి ।

ప్రవర్తకసూత్రత్వాత్ ప్రవర్తకత్వోపయోగితయానర్థహేత్వధ్యాసనివర్తకజ్ఞానాయేత్యుజ్ఞానేపేత్యుపక్షప్యేత్యర్థఃపక్షిప్యేత్యర్థః ।

తదేతదాహేతి ।

అధ్యాసస్యావిద్యాత్వే తస్య తజ్జన్యానర్థస్య చాసత్యతయా అధిష్ఠానస్పర్శాభావాత్ జ్ఞానేన నివృత్తిః ఫలతయా ఆగచ్ఛతి తత్ఫలమాహేత్యర్థః । అత్రాధిష్ఠానేన సమ్బన్ధాభావ ఎవోచ్యతే ।

అసత్యత్వేన జ్ఞాననివర్త్యత్వాఖ్యావిద్యాత్వఫలం నోచ్యత ఇత్యాశఙ్క్య సమ్బన్ధాభావోక్త్యా తదప్యుక్తమిత్యాహ -

అవాస్తవమనర్థం దర్శయతీతి ।

ప్రతిజ్ఞా హీయేతేతి ।

జ్ఞాననివర్త్యత్వం యత్ సూత్రితం తత్ హీయేతేత్యర్థః ।