విధేః బోద్ధారమధికారిణం బ్రాహ్మణాదిశబ్దైరనువదన్ ఆగమోఽపి చేతనాచేతనయోరైక్యావభాసం దర్శయతీత్యాహ -

తదేవ దర్శయతీతి ।

స్నాత్వేతి ।

గృహస్థో భూత్వేత్యర్థః । జ్యోగామయావీ ఉజ్జ్వలామయావానిత్యర్థః ।

లక్షణభాష్యే పరత్రావభాస ఇత్యేకేన పరశబ్దేన లక్షణముక్తమ్ । అత్ర తు అతస్మింస్తద్బుద్ధిరిత్యవోచామ ఇతి పరశబ్దద్వయేన లక్షణమనూద్యత ఇతి పూర్వాపరవిరోధః ప్రాప్త ఇత్యాశఙ్క్య లక్షణభాష్యాన్తే పరశబ్దద్వయేనోక్తం లక్షణమనూద్యత ఇతి దర్శయితుమన్తగ్రహణం కరోతి ।

సర్వథాపి తు ఇతి ।

సింహో దేవదత్త ఇతివత్ గౌణావభాసం వ్యావర్తయతి -

నిరుపచరితమితి ।

లక్షణత యుష్మదర్థాత్ అన్తఃకరణాత్ ప్రతీతితోప్రతీతితేతి యుష్మదర్థః పుత్రాదిరితి భేదాదాహ -

కస్య యుష్మదర్థస్యేతి ।

వస్తుతోఽస్మదర్థః చైతన్యమ్ , ప్రతీతితోఽస్మదర్థః అన్తఃకరణాదిరితి భేదాదాహభేదానాహ ఇతి -

కస్మిన్నస్మదర్థ ఇతి ।

భాష్యం యోజయతి -

అతస్మిన్నిత్యాదినా ।

అయుష్మదర్థ ఇత్యుక్తే యుష్మదర్థాభావం ప్రాప్తం వ్యావర్తయతి -

అనిదం చితి ఇతి ।

అనిదం చితి తద్బుద్ధిరిత్యుక్తేఽనిదం చిత్యనిదం చిద్బుద్ధిరధ్యాస ఇత్యుక్తిం వ్యావర్తయతి ।

యుష్మదర్థావభాస ఇత్యర్థః ఇతి ।

తదాహేతి ।

ఆత్మానాత్మనోరితరేతరాధ్యాసం పురస్కృత్యేత్యత్ర సామాన్యేన ఉక్తాధ్యాసస్య విభాగమాహేత్యర్థః ।