ఎవం తావత్ సూత్రేణార్థాదుపాత్తయోః విషయప్రయోజనయోః సిద్ధయే జీవస్యాబ్రహ్మస్వరూపత్వమధ్యాసాత్మకముపదర్శ్య, అస్యానర్థహేతోః ప్రహాణాయేతి ప్రయోజనం నిర్దిశతి । హేతోః ప్రహాణ్యా హి హేతుమతః ప్రహాణిరాత్యన్తికీ యతః । నను అనర్థహేతురధ్యాసోఽనాదిః, స కథం ప్రహీయతే ? తథా హి — మనుష్యాదిజాతివిశేషమాత్రాధ్యాసః తతో వివిక్తేఽపి న్యాయతః అహంప్రత్యయే అనాదిత్వాత్ పూర్వవదవికలో వర్తతే । నాయం దోషః ॥