ವಿಚಾರವಿಧೇಃ ಬಂಧನಿವೃತ್ತಿರೂಪಫಲಾನುಬಂಧೋ ಬ್ರಹ್ಮಾತ್ಮತಾರೂಪವ್ಯವಹಿತವಿಷಯಾನುಬಂಧಶ್ಚೋಕ್ತಃ । ಇದಾನೀಂ ವಿಚಾರಾಖ್ಯಾವ್ಯವಹಿತವಿಷಯಾನುಬಂಧಮ್ ಅನ್ಯತ ಏವಾಪ್ರಾಪ್ತಾನುಷ್ಠಾನಂ ದರ್ಶಯಿತುಂ ಪ್ರಥಮಮಾಕ್ಷಿಪತಿ -

ಸಿದ್ಧೈವ ನನು ಬ್ರಹ್ಮಜಿಜ್ಞಾಸೇತಿ ।

ವೇದಾಂತಾನಾಮರ್ಥನಿರ್ಣಯಾಪೇಕ್ಷಿತೋ ನ್ಯಾಯಕಲಾಪನ್ಯಾಯಕಲಾ ಇತಿ ಅಥಾತೋ ಧರ್ಮಜಿಜ್ಞಾಸೇತ್ಯಾದಿಸೂತ್ರೇಸೂತ್ರೈರಿತಿ ಸೂತ್ರಿತ ಇತ್ಯರ್ಥಃ ।

ವಿಧಿವಾಕ್ಯಾರ್ಥನಿರ್ಣಯಃ ತತ್ರ ಪ್ರವೃತ್ತ ಇತ್ಯಾಶಂಕ್ಯ ವೇದಸ್ಯ ಕಾರ್ಯಮಾತ್ರಪರತ್ವಮಂಗೀಕೃತ್ಯ ಪರಿಹರತಿ -

ಸಕಲವೇದಾರ್ಥೇತಿ ।

ಅತ್ರ ಚೋದಿತತ್ವಾದಿತಿಸಕಲವೇದಾರ್ಥವಿಚಾರಸ್ಯ ಚೋದಿತತ್ವಾದಿತಿ ವ್ಯಾಖ್ಯಾನುಸಾರೀ ಪಾಠಃ ಪದಚ್ಛೇದಃ । ವಿಹಿತತ್ವಾದಿತ್ಯರ್ಥಃ । ಉದಿತತ್ವಾದಿತಿ ಚ ಪದಚ್ಛೇದಃ । ಉದಿತತ್ವಾತ್ ಪ್ರತಿಜ್ಞಾತತ್ವಾತ್ ಚಕಾರಾದ್ವಿಚಾರಿತತ್ವಾಚ್ಚೇತ್ಯರ್ಥಃ ।

ವೇದಾಂತಾನಾಂ ಬ್ರಹ್ಮವಿಷಯತ್ವಾತ್ ಸಕಲವೇದಸ್ಯ ನ ಕಾರ್ಯಾರ್ಥತ್ವಮಿತ್ಯಾಶಂಕ್ಯ ತೇಷಾಮಪಿ ಜ್ಞಾನಾಖ್ಯಧರ್ಮರೂಪಕಾರ್ಯಾರ್ಥತ್ವಮೇವೇತ್ಯಾಹ -

ಬ್ರಹ್ಮಜ್ಞಾನಸ್ಯ ಚೇತಿ ।

ಯಥಾ ಪ್ರತ್ಯಧ್ಯಾಯಮಾಶಂಕಾಂತರನಿರಾಕರಣೇನ ವಿಧ್ಯಂಶಭೇದೋ ನಿರೂಪಿತಃ ತಥಾ ಪ್ರತಿಪತ್ತವ್ಯಸ್ಯ ಬ್ರಹ್ಮಣಃ ಪ್ರತ್ಯಕ್ಷಾದಿಭಿರಸಿದ್ಧತ್ವಾತ್ ತದ್ವಿಶೇಷಪ್ರತಿಪತ್ತಿವಿಧ್ಯಯೋಗಶಂಕಾಯಾಂ ಯೂಪಾಹವನೀಯಾದಿವತ್ ಬ್ರಹ್ಮಣಃ ಸಿದ್ಧೇರಸಿದ್ಧೌ ಚಾರೋಪಿತರೂಪೇಣಾಪಿ ಉಪಾಸನಾಸಿದ್ಧೇಃ ವೇದಾಂತೇಷು ವಿಧಿರಸ್ತೀತಿ ನಿರ್ಣಯಾಯ ಇದಮಾರಭ್ಯತ ಇತಿ ತತ್ರಾಹ -

ಅಭ್ಯಧಿಕಾಶಂಕಾಭಾವಾದಿತಿ ।